బిహార్ ఉపముఖ్యమంత్రిగా సుశీల్కుమార్ మోదీ లాంఛనమే అనుకున్న నేపథ్యంలో భాజపా ఓ కీలక నిర్ణయం తీసుకుంది. పార్టీ సీనియర్ నాయకుడు తారకిషోర్ ప్రసాద్ను భాజపా శాసనసభా పక్షనేతగా నియమించింది. ఆయన ఏకగ్రీవంగా ఎన్నికయ్యారని సుశీల్ కుమార్ మోదీ స్వయంగా ట్విట్టర్ వేదికగా వెల్లడించారు. శాసనసభాపక్ష ఉపనేతగా రేణుదేవి ఎంపికైనట్లు తెలిపారు. తారకిషోర్, రేణుదేవిని ఈ సందర్భంగా అభినందించారు సుశీల్ మోదీ.
భాజపా మొదట... సుశీల్ కుమార్ మోదీనే బిహార్ ఉపముఖ్యమంత్రిగా కొనసాగిస్తుందని భావించారు. అయితే ఇప్పుడు తారకిషోర్ పేరు బయటకువచ్చింది. ఆయనకు డీప్యూటీ సీఎం బాధ్యతనిచ్చే అవకాశం ఉన్నట్టు తెలుస్తోంది.
బాధ్యతగా విధులు నిర్వహిస్తా....
తనకు బాధ్యతలు అప్పగించడంపై తారకిషోర్ స్పందించారు. పార్టీ అప్పగించిన బాధ్యతలు సక్రమంగా నిర్వహిస్తానని తెలిపారు. డిప్యూటీ సీఎం పదవిపై ఇప్పుడే స్పందించలేనని పేర్కొన్నారు.
ఇదీ చదవండి:'బంగాల్.. ఉగ్రవాదులకు అడ్డాగా మారింది'
