బాలీవుడ్‌ నటుడు సుశాంత్ సింగ్ రాజ్పుత్ మృతి కేసులో.. అతడి మాజీ స్నేహితురాలు రియా చక్రవర్తి వేసిన పిటిషన్ను విచారణకు స్వీకరించింది సుప్రీం కోర్టు. బిహార్లోని పట్నాలో తనపై దాఖలైన కేసును ముంబయికి బదిలీ చేయాలని ఆమె అత్యున్నత న్యాయస్థానాన్ని అభ్యర్థించింది. ఈ వ్యాజ్యంపై ఆగస్టు 5న విచారణ జరగనుంది. సుశాంత్ సింగ్ బలవన్మరణానికి రియా చక్రవర్తితో పాటు ఆమె కుటుంబసభ్యులే కారణమని ఆరోపిస్తూ సుశాంత్‌సింగ్ తండ్రి పట్నాలో కేసు నమోదు చేశారు. దీనిపై సుప్రీంకు వెళ్లిన రియా ఆ కేసును ముంబయికి బదిలీ చేయాలని కోరారు.
జస్టిస్ హృషికేశ్ రాయ్ నేతృత్వంలోని ధర్మాసనం.. ఈ పిటిషన్లో వాదనలు విననుంది.
అయితే ఈ కేసులో ఏదైనా నిర్ణయాన్ని వెల్లడించే ముందు తమ వాదనలు కూడా వినాలని మహారాష్ట్ర పోలీసులు, బిహార్ పోలీసులతో పాటు సుశాంత్‌సింగ్ తండ్రి కూడా సుప్రీంలో కేవియట్ దాఖలు చేశారు.
ఇదీ చూడండి: 'సుశాంత్ కేసును రాజకీయం చేయొద్దు'
ఆత్మహత్య...
నటుడు.. సుశాంత్ జూన్ 14న ముంబయి బాంద్రాలోని తన నివాసంలో ఆత్మహత్య చేసుకున్నాడు. అప్పటినుంచి ఈ కేసులో వేర్వేరు కోణాల్లో దర్యాప్తు చేస్తున్నారు పోలీసులు. పలువురు సినీ ప్రముఖుల్ని ప్రశ్నించారు.
ఇదీ చూడండి: 'సుశాంత్ మృతిపై సీబీఐ విచారణ జరిపించాలి'
