కర్ణాటక నూతన ముఖ్యమంత్రి బీఎస్ యడియూరప్పకు భాజపా జాతీయ అధ్యక్షుడు అమిత్ షా శుభాకాంక్షలు తెలిపారు. సీఎంగా శుక్రవారం ప్రమాణ స్వీకారం చేశారు యడియూరప్ప. ఈ మేరకు యడియూరప్పతో పాటు కన్నడ ప్రజలను ఉద్దేశించి షా ట్వీట్ చేశారు.
"కర్ణాటక సీఎంగా ప్రమాణస్వీకారం చేసిన మీకు నా అభినందనలు. మీ నాయకత్వంలో, ప్రధాని మోదీ మార్గదర్శకత్వంలో భాజపా స్థిరమైన, రైతు అనుకూల, అభివృద్ధి శీలక ప్రభుత్వాన్ని అందిస్తుందని నేను కచ్చితంగా చెప్పగలను. ప్రజల ఆకాంక్షలకు అనుగుణంగా భాజపా పాలన అందిస్తుందని కర్ణాటక ప్రజలకు హామీ ఇస్తున్నాను."
-అమిత్ షా, భాజపా అధ్యక్షుడు
రైతులకు యడ్డీ వరాలు
ముఖ్యమంత్రిగా ప్రమాణ స్వీకారం చేయగానే కీలక నిర్ణయం తీసుకున్నారు యడియూరప్ప. ప్రధాన మంత్రి కిసాన్ సమ్మాన్ యోజన లబ్ధిదారులకు రాష్ట్ర ప్రభుత్వం తరఫున మరో రూ.4వేలు అందిస్తామని ప్రకటించారు. వీటితోపాటు రుణమాఫీ కింద రూ.100 కోట్లను అందిస్తామని తెలిపారు.
ఇదీ చూడండి: సుప్రీం కోర్టులో ఒకే తాటిపైకి యడ్డీ, డీకే
