విమాన, రైలు, అంతర్రాష్ట్ర బస్సు సర్వీసులు పునరుద్ధరణ నేపథ్యంలో కేంద్ర వైద్య ఆరోగ్య మంత్రిత్వ శాఖ దేశీయ ప్రయాణాలకు మార్గదర్శకాలు జారీ చేసింది. అవి:
- సంబంధిత ఏజెన్సీలు ప్రయాణికులకు... టికెట్లతో పాటు చేయకూడని, చేయదగిన విషయాలను తెలపాలి.
- ప్రయాణికులందరూ తమ మొబైల్ ఫోన్లలో ఆరోగ్య సేతు యాప్‌ను డౌన్‌లోడ్ చేసుకోవాలి.
- విమానాశ్రయాలు, రైల్వేస్టేషన్లు, బస్ టెర్మినల్స్... విమానాలు, రైళ్లు, బస్సులలో అనుసరించాల్సిన ముందు జాగ్రత్త చర్యలతో సహా కరోనా గురించి తగిన ప్రకటనలు చేయాలి.
- ప్రయాణికులందరూ తప్పనిసరిగా థర్మల్ స్క్రీనింగ్ చేయించుకోవాలి. అన్ని రాష్ట్రాలు, కేంద్రపాలిత ప్రాంతాలు అందుకు తగిన ఆదేశాలు జారీ చేస్తాయి.
- కరోనా లక్షణాలు లేని ప్రయాణికులను మాత్రమే విమాన, రైలు, బస్సుల్లో వెళ్లడానికి అనుమతివ్వాలి.
- బోర్డింగ్, ప్రయాణ సమయంలో ప్రయాణికులందరూ ముఖం కప్పుకుని ఉండాలి లేదా మాస్క్‌ తప్పని సరిగా ధరించాలి.
- చేతుల పరిశుభ్రత, శ్వాసకోశ పరిశుభ్రత, పర్యావరణ పరిశుభ్రతను పాటించేలా చర్యలు తీసుకోవాలి.
- విమానాశ్రయాలు, రైల్వేస్టేషన్లు, బస్ టెర్మినల్స్ వద్ద భౌతిక దూరం పాటించేందుకు అవసరమైన చర్యలు తీసుకోవాలి.
- విమానాశ్రయాలు, రైల్వే స్టేషన్లు, బస్ టెర్మినల్స్ను క్రమం తప్పకుండా శుభ్రపరచాలి.
- క్రిమిసంహారకాలను పిచికారీ చేయాలి. సబ్బులు, శానిటైజర్లు అందుబాటులో ఉంచాలి.
- నిష్క్రమణ పాయింట్ వద్ద కూడా థర్మల్ స్క్రీనింగ్ ఏర్పాటు చేయాలి.
- రోగ లక్షణాలు లేని ప్రయాణికులు 14 రోజులు వారి ఆరోగ్యాన్ని స్వయంగా పర్యవేక్షించుకోవాలన్న సలహాతో వెళ్లడానికి అనుమతి ఇవ్వాలి.
- ఒకవేళ వారికి ఏవైనా లక్షణాలు కనిపిస్తే.. జిల్లా నిఘా అధికారికి లేదా రాష్ట్ర లేదా జాతీయ కాల్ సెంటర్‌ 1075కు తెలియజేయాలి.
- రోగలక్షణాలు ఉన్నవారిని వేరుచేసి సమీప కరోనా ఆసుపత్రికి తీసుకువెళ్లే ఏర్పాట్లు చేయాలి.
- మితమైన లేదా తీవ్రమైన లక్షణాలు ఉన్నవారిని ఐసొలేషన్ చేసి.. సమీపంలో ఉన్న కరోనా చికిత్సా కేంద్రానికి తరలించాలి. అక్కడ చికిత్స ఏ స్థాయిలో తీసుకోవాలో నిర్ణయిస్తారు.
- తేలికపాటి లక్షణాలు ఉన్నవారికి ఐసీఎంఆర్‌ నిబంధనల ప్రకారం.. సెల్ఫ్ ఐసొలేషన్లో ఉంచడమో లేక కరోనా కేర్ సెంటర్‌లో తగిన చికిత్స అందించడమో చేస్తారు.
- కరోనా పాజిటివ్‌ అని తేలితే.. క్లినికల్ ప్రోటోకాల్ ప్రకారం కరోనా కేర్ సెంటర్‌లో కొనసాగాల్సి ఉంటుంది.
- నెగెటివ్‌ వస్తే.. ప్రయాణికులు 7 రోజుల్లో ఇంటికి వెళ్లి, స్వీయ నిర్బంధంలో ఉండేందుకు అనుమతి ఇవ్వాలి. ఆ తర్వాత కరోనా లక్షణాలు కనిపిస్తే.. స్థానిక అధికారులకు సమాచారం ఇవ్వాలి.
- క్వారంటైన్‌ లేదా ఐసొలేషన్పై రాష్ట్రాలు సొంత నిబంధనావళిని పాటించవచ్చు.
ఇదీ చూడండి: ఆన్లైన్ యూజర్లలో 83% మందివి వీక్ పాస్వర్డ్లు!
