వైకల్యాన్ని జయించిన బాలుడు.. సచిన్​ మెచ్చిన క్రికెటర్!

క్రికెట్​పై మక్కువ ఆ బాలుని వైకల్యాన్ని అధిగమించింది. ఆట​పై ఇష్టంతో కాళ్లు రెండూ చచ్చుబడినా రెండేళ్లుగా క్రికెట్​ ఆడుతున్నాడు. క్రికెట్​ దేవుడు సచిన్​ తెందూల్కర్​ కూడా అతని ఆత్మవిశ్వాసానికి ముగ్ధుడయ్యాడు.

ఛత్తీస్​గఢ్​లోని నక్సల్ ప్రభావిత ప్రాంతం దంతెవాడలోని బెంగళూరు గ్రామంలో ఏడో తరగతి చదువుతున్నాడు మడారామ్​ కవాసీ. చిన్నతనం నుంచి వైకల్యంతో బాధపడుతున్నాడు. కవాసీ రెండు కాళ్లూ చచ్చుబడ్డాయి. చికిత్సకు తల్లిదండ్రులు ప్రయత్నించినా ఆర్థిక పరిస్థితుల వల్ల సాధ్యపడలేదు.

కానీ క్రికెట్​ అంటే అమితంగా ఇష్టపడతాడు కవాసీ. ఇందుకు తన వైకల్యం బలహీనతగా అతను భావించలేదు. బ్యాటింగ్​, బౌలింగ్​తో పాటు వేగంగా పరిగెడుతూ అందర్నీ ఆశ్చర్యపరుస్తున్నాడు. ఇది చూసిన తన స్నేహితులు.. కవాసీని ఆల్​రౌండర్​గా పిలుస్తారు.

"మడారామ్​ క్రికెట్​ బాగా ఆడతాడు. మేమూ అప్పుడప్పుడు చూస్తుంటాం. అతని వల్ల మా గ్రామం అందరి దృష్టిలో పడింది. ఇందుకు మడారామ్​కు కృతజ్ఞతలు. అతను చదువులోనూ ముందుంటాడు."

- ముకేశ్, గ్రామస్థుడు

మడారామ్​ ఆడుతున్న వీడియోను చూసిన క్రికెట్ దిగ్గజం సచిన్​ తెందూల్కర్​ ట్విట్టర్​లో పోస్ట్​ చేశాడు. ఈ వీడియో విపరీతంగా వైరల్​ కావటం వల్ల అతని ప్రతిభ బయటపడింది.

• Start your 2020 with the inspirational video of this kid Madda Ram playing cricket 🏏 with his friends.
  It warmed my heart and I am sure it will warm yours too. pic.twitter.com/Wgwh1kLegS

  — Sachin Tendulkar (@sachin_rt) January 1, 2020 " class="align-text-top noRightClick twitterSection" data="

  Start your 2020 with the inspirational video of this kid Madda Ram playing cricket 🏏 with his friends.
  It warmed my heart and I am sure it will warm yours too. pic.twitter.com/Wgwh1kLegS

  — Sachin Tendulkar (@sachin_rt) January 1, 2020

  ">

  Start your 2020 with the inspirational video of this kid Madda Ram playing cricket 🏏 with his friends.
  It warmed my heart and I am sure it will warm yours too. pic.twitter.com/Wgwh1kLegS

  — Sachin Tendulkar (@sachin_rt) January 1, 2020

మడారామ్​కు సాయం అందించేందుకు పలువురు ముందుకొస్తున్నారు.

"మడారామ్​కు మంచి శిక్షణ ఇప్పించేందుకు మేం సిద్ధంగా ఉన్నాం. అతనికి ఏం కావాలన్నా ఏర్పాటు చేస్తాం. ఎక్కడ చదవాలనుకున్నా అందుకు తగిన ఏర్పాట్లు చేస్తాం."

- రాజేశ్ కమ్రా, జిల్లా విద్యాధికారి

అయితే అతని తల్లిదండ్రులు మాత్రం మడారామ్​కు మెరుగైన చికిత్స అందించాలని కోరుతున్నారు. సచిన్​ ద్వారా మడారామ్​ గురించి చాలా మందికి తెలిసిందని.. అందుకు ఆయనకు కృతజ్ఞతలు తెలిపారు.

ఇదీ చూడండి: సిగరెట్​ ఇవ్వలేదని సోదరుడిని చంపేశాడు!