ప్రధాని నరేంద్రమోదీ పోటీచేస్తున్న వారణాసిలో అభ్యర్థిని మార్చింది సమాజ్వాది పార్టీ. బీఎస్ఎఫ్ మాజీ కానిస్టేబుల్ తేజ్ బహదూర్ యాదవ్ను పోటీలో నిలిపింది. ఎస్పీ తరఫున వారణాసి నుంచి నామపత్రం దాఖలు చేశారు శాలిని యాదవ్.
"సమాజ్వాది పార్టీలో డమ్మీ అభ్యర్థులు ఉండరు. పార్టీ కోసం మేం పని చేస్తాం. ఇప్పుడు తేజ్ బహదూర్ను బరిలోకి నింపాలని పార్టీ నిర్ణయించింది. ఇద్దరు అభ్యర్థుల విషయంలో రేపు సమావేశంలో ఏం చెయ్యాలో పార్టీ నిర్ణయం తీసుకుంటుంది."
- ఎస్పీ అధికార ప్రతినిధి, వారణాసి నియోజకవర్గం
సైనికులకు ఇచ్చే ఆహారం సరిగా లేదని వీడియో తీసి సామాజిక మాధ్యమాల్లో విడుదల చేసినందుకు తేజ్ బహదూర్ ఉద్యోగం కోల్పోయారు.
వారణాసి లోక్సభ స్థానానికి ఏడో దశలో భాగంగా మే 19న ఎన్నికలు జరుగుతాయి. వచ్చే సోమవారం నామినేషన్కు చివరి గడువు.
ఇదీ చూడండి: 'మోదీకి కుల రాజకీయ రంగు పులమొద్దు'
