అమ్మా..అమ్మా అని అరుస్తూ ఓ ఆరేళ్ల బాలిక అడవిలోనే రోజంతా గడిపింది. అమ్మ, నాన్న పొలం పనుల్లో నిమగ్నమై ఉండగా ఆ బాలిక అడవిలోకి నడుచుకుంటూ వెళ్లిపోయింది. కర్ణాటకలోని కొమరనహల్లి అడవిలో తప్పిపోయిన ఆ బాలికను క్షేమంగా ఇంటికి తీసుకొచ్చారు అటవీ శాఖ అధికారులు.
ఆడుకుంటూ అడవిలోకి...
దావణగిరి జిల్లా మెలబెన్నూర్లోని కొమరనహల్లి అడవిలో తప్పిపోయింది ఆ ఆరేళ్ల బాలిక. దాదాపు ఐదు కిలో మీటర్లు నడుకుంటూ వెళ్లిపోయింది. కూతురు ఆచూకీ తెలియకపోవడంతో పాప తల్లితండ్రులు కంగారు పడిపోయారు.
దాదాపు 24 గంటలు అడవిలోనే ఏడుస్తూ ఉండిపోయిన ఆ బాలికను అటవీ శాఖ అధికారులు గుర్తించారు. అమ్మా... అమ్మా అనే ఏడుపు వినిపించిందని.. దీంతో, తప్పిపోయిన బాలిక ఆచూకీ తెలిసిందని పేర్కొన్నారు అధికారులు. చిన్నారిని వెంటనే తల్లితండ్రులకు అప్పగించారు.
