నిర్భయ అత్యాచారం, హత్య కేసులో దోషులను వేర్వేరుగా ఉరితీసేలా ఆదేశాలివ్వాలంటూ కేంద్రం వేసిన పిటిషన్‌పై విచారణను వాయిదా వేసింది సుప్రీంకోర్టు. ఈ వ్యాజ్యంపై మార్చి 5న వాదనలు వింటామని జస్టిస్‌ ఆర్‌ భానుమతి నేతృత్వంలోని ధర్మాసనం వెల్లడించింది.
మరణశిక్ష అమలు పదేపదే వాయిదా పడుతున్న నేపథ్యంలో దోషులను వేర్వేరుగా ఉరితీయాలంటూ ఇటీవల కేంద్ర హోంశాఖ దిల్లీ హైకోర్టును ఆశ్రయించింది. అయితే నిబంధనల ప్రకారం ఒకే కేసుకు సంబంధించిన దోషులను వేర్వేరుగా ఉరితీయడం కుదరదని చెబుతూ ప్రభుత్వ పిటిషన్ను దిల్లీ హైకోర్టు ఇదివరకే కొట్టేసింది.
