అయోధ్య కేసులో రోజువారీ విచారణ చేపడతామన్న సుప్రీం తీర్పును రాష్ట్రీయ స్వయం సేవక్ సంఘ్ స్వాగతించింది. ఈ నిర్ణయంతో అయోధ్యలో రామమందిర నిర్మాణానికి అడ్డంకులు త్వరలోనే తొలగుతాయని అభిప్రాయపడింది.
అయోధ్య కేసులో మధ్యవర్తిత్వ కమిటీ జులై 31న సమర్పించిన నివేదికపై నేడు సుప్రీం విచారణ చేపట్టింది. రామజన్మభూమి-బాబ్రీ మసీదు వివాద పరిష్కారంలో మధ్యవర్తిత్వ కమిటీ ఎలాంటి ఫలితం ఇవ్వలేదని న్యాయస్థానం అభిప్రాయపడింది. ఈ కేసులో ఈ నెల 6వ తేదీ నుంచి రోజువారీ విచారణ కొనసాగిస్తామని తెలిపింది.
ఇదీ చూడండి: ఆగస్టు 6 నుంచి అయోధ్యపై రోజువారీ విచారణ
