ఇజ్రాయెల్కు చెందిన ఓ కంపెనీ మద్యం సీసాలపై మహాత్మగాంధీ చిత్రాన్ని ప్రచురించటాన్ని రాజ్యసభ ఎంపీలు తప్పుబట్టారు. ఈ విషయాన్ని విదేశాంగ మంత్రి జైశంకర్ దృష్టికి తీసుకెళ్లి పరిష్కరించాలని సభాపతిని కోరారు ఎంపీలు.
ఎగువ సభలో శూన్య గంటలో భాగంగా ఆమ్ ఆద్మీ ఎంపీ సంజయ్ సింగ్ ఈ విషయాన్ని సభలో లేవనెత్తారు. భారత జాతి పితను ఇజ్రాయెల్ కంపెనీ అగౌరవపరిచిందని ఆరోపించారు. కంపెనీపై తగిన చర్యలు తీసుకుని సీసాలపై మహాత్ముడి చిత్రాన్ని తొలగించేలా చర్యలు తీసుకోవాలని డిమాండ్ చేశారు. ఇందుకు సభలో చాలా మంది ఎంపీలు మద్దతు తెలిపారు.
ఇదీ చూడండి: ఇలా నిరసన తెలిపే నాయకుణ్ని చూసుండరు!
