స్టీల్ ప్లాంట్లో గ్యాస్ లీక్- నలుగురు మృతి
ఒడిశాలోని రవుర్కెలా స్టీల్ ప్లాంట్(ఆర్ఎస్పీ)లో విషవాయువు లీకై నలుగురు ప్రాణాలు కోల్పోయారు. పలువురు తీవ అనారోగ్యానికి గురయ్యారు. బాధితులను ఆసుపత్రికి తరలించారు.
ఆర్ఎస్పీ ప్రాంగణంలోని బొగ్గు రసాయన విభాగంలో మరమ్మతులు చేస్తుండగా కార్బన్ మోనాక్సైడ్ గ్యాస్ లీక్ అయ్యింది. బుధవారం ఉదయం 9:45 గంటల ప్రాంతంలో ఈ ఘటన జరిగింది. ఈ ఘటనలో సుమారు 10మంది వరకు తీవ్ర అస్వస్థతకు గురయ్యారు.
బాధితులను ఆసుపత్రికి తరలించి చికిత్స అందించగా.. ఆరోగ్యం విషమించి నలుగురు మృతిచెందారు.
ఇదీ చూడండి:- ఎయిర్బస్తో ఐఏఎఫ్ మెగా డీల్!
