ఐఎన్ఎస్ విరాట్ యుద్ధనౌకను రూ.100 కోట్లకు అమ్మడానికి సిద్ధమైంది శ్రీరామ్ గ్రూప్. ముంబయికి చెందిన ఓ కంపెనీ ఈ నౌకను కొనుగోలు చేసేందుకు ముందుకొచ్చింది. ఈ యుద్ధనౌకను విచ్ఛిన్నం కాకుండా ఆపి, మ్యూజియమ్లాగా మార్చడానికి ప్రయత్నాలు చేస్తోంది.
1987 నుంచి 2017 వరకు భారత నావికా దళంలో సేవలందించిన 'విరాట్'ను.. ఈ ఏడాది జులైలో రూ.38.54 కోట్లకు వేలంలో శ్రీరామ్ గ్రూప్ కొనుగోలు చేసింది. ఈ నౌకను విచ్ఛిన్నం చేసేందుకు గుజరాత్లోని అలంగ్ తీర ప్రాంతానికి గతవారం తరలించారు.
ఎన్ఓసీ తప్పనిసరి..
ఈ నౌకను ఎవరైనా కొనుగోలు చేయాలంటే, రక్షణ శాఖ నుంచి నిరభ్యంతర పత్రం(ఎన్ఓసీ) తీసుకోవాల్సి ఉంటుందని అంటున్నారు శ్రీరామ్ గ్రూప్ ఛైర్మన్ ముఖేష్ పటేల్.
"దేశం మీద ప్రేమతో నేను ఈ యుద్ధనౌకను కొన్నాను. ప్రస్తుతం ముంబయికి చెందిన ఓ కంపెనీ.. ఈ నౌకను కొని, మ్యూజియమ్లాగా మార్చాలని భావిస్తోంది. వాళ్లు దేశ భక్తితోనే ఈ పని చేస్తున్నందున.. నేను వారికి అమ్మేందుకు అంగీకరించాను. అయితే.. వారు రక్షణ శాఖ నుంచి నిరభ్యంతర పత్రం తీసుకోవాల్సి ఉంటుంది. అది లేకుండా నేను వారికి అమ్మలేను. ఎన్ఓసీ కోసం ఆ కంపెనీ అన్ని రకాలుగా ప్రయత్నిస్తోంది. అయినప్పటికీ.. నేను ఎక్కువకాలం వేచిచూడను. వారం వరకే గడువు ఇస్తాను. ఆ తర్వాత ఈ నౌకను విచ్ఛిన్నం చేస్తాను."
- ముఖేష్ పటేల్, శ్రీరామ్ గ్రూప్ ఛైర్మన్
'మాకు ఎన్ఓసీ అందుతుంది'
ఎన్విటెక్ మెరైన్ కన్సల్టెన్సీస్ ప్రైవేట్ లిమిటెడ్ సంస్థ మేనేజింగ్ డైరెక్టర్ వీకే శర్మ ఈ నౌకను కొనగోలు చేసేందుకు ఆసక్తి కనబరుస్తున్నారు. ఎన్ఓసీ పొందేందుకు గోవా ప్రభుత్వం సహకరిస్తోందని చెప్పారు.
"ఎన్ఓసీ కోసం మేము తీవ్రంగా ప్రయత్నిస్తున్నాము. మాకు త్వరలోనే అది లభిస్తుంది. నేను వ్యక్తిగతంగా ముఖేష్ను కలిశాను. ధర విషయంలోనూ ఓ అంగీకారానికి వచ్చాం."
- వీకే శర్మ, ఈఎమ్సీఎస్ ప్రైవేట్ లిమిటెడ్
ఇదీ విరాట్ చరిత్ర..
- ప్రపంచంలోనే అత్యంత ఎక్కువ కాలం యుద్ధ రంగంలో సేవలు అందించిన నౌకగా గుర్తింపు.
- విరాట్ను విడదీస్తే.. భారత్లో విచ్ఛిన్నమవుతున్న రెండో యుద్ధ నౌకగా పేరుపొందుతుంది. అంతకుముందు 2014లో ఐఎన్ఎస్ విక్రాంత్ను విచ్ఛిన్నం చేశారు.
- డెబ్భై ఏళ్ల చరిత్ర కలిగిన ఐఎన్ఎస్ విరాట్.. 1982లో రాయల్ బ్రిటిష్ నేవీ తరఫున ఫాక్లాండ్స్ తరఫున పోరాడి.. అర్జెంటీనా యుద్ధంలో విజయాన్నందించింది.
- ఐఎన్ఎస్ విరాట్ బరువు 27,800 టన్నులు.
- 1959 నవంబర్ నుంచి 1984 ఏప్రిల్ వరకు బ్రిటిష్ నేవీ హెచ్ఎమ్ఎస్ హెర్మెస్లో సేవలు అందించింది.
- పునరుద్ధరణ అనంతరం.. 1987లో భారత నౌకా దళంలో అడుగుపెట్టింది. 2017లో సేవలను విరమించింది.
ఇదీ చదవండి: 30 ఏళ్లపాటు సేవలందించిన నౌక ఆఖరి యాత్ర
