మోదీ ప్రమాణ స్వీకారానికి రజినీ, కమల్​కు ఆహ్వానం

ప్రధాని నరేంద్రమోదీ ప్రమాణ స్వీకారోత్సవానికి వివిధ రంగాల ప్రముఖులను అహ్వానిస్తున్నారు. సినిమా నుంచి రాజకీయాల్లోకి మళ్లిన తమిళ దిగ్గజ నటులు రజినీకాంత్​, కమల్​ హాసన్​లను ఆహ్వానించినట్లు  పార్టీ వర్గాలు తెలిపాయి.

వరుసగా రెండో సారి ప్రధాని పదవిని అలంకరించనున్నారు నరేంద్ర మోదీ. ఈ నెల 30న జరిగే ప్రమాణ స్వీకార కార్యక్రమానికి పలువురు నేతలు, ప్రముఖులకు ఆహ్వానాలు అందాయి. రాజకీయాల్లోకి మళ్లిన సినీ దిగ్గజాలు రజినీకాంత్​, కమల్​ హాసన్​ కూడా ఈ జాబితాలో ఉన్నారని పార్టీ వర్గాలు తెలిపాయి. అయితే వారి హాజరుపై స్పష్టత లేదని సమాచారం.

ఇద్దరు నటుల్లో కమల్​ మాత్రమే క్రియాశీల రాజకీయాల్లో ఉన్నారు. మక్కల్​ నీది మయ్యమ్​ పార్టీని స్థాపించి లోక్​సభ ఎన్నికల్లో పోటీ చేశారు. అనూహ్యంగా ఒక్క స్థానంలోనూ విజయం సాధించలేదు. ఎన్నికల్లో భాజపాను తీవ్రంగా వ్యతిరేకించారు కమల్. స్వతంత్ర భారతంలో మొదటి తీవ్రవాది హిందువేనని కమల్ చేసిన వ్యాఖ్యలు తీవ్ర దుమారాన్నే రేపాయి.

ఇదీ చూడండి: మోదీ ప్రమాణ స్వీకారానికి బిమ్​స్టెక్​ దేశాధినేతలు!