భోపాల్ రైల్వేస్టేషన్​లో కూలిన పాదచారుల వంతెన

మధ్యప్రదేశ్​ భోపాల్​ రైల్వేస్టేషన్​లోని పాదచారుల వంతెన కూలిపోయింది. ఈ ఘటనలో పలువురికి గాయాలయ్యాయి. క్షతగాత్రులను ఆస్పత్రికి తరలించారు.

మధ్యప్రదేశ్​ రాజధాని భోపాల్​ రైల్వేస్టేషన్​లోని రెండో నెంబర్​ ప్లాట్​ఫాం వద్ద ఉన్న పాదచారుల వంతెనలోని ఓ భాగం కూలిపోయింది. ఈ ఘటనలో ఎనిమిదిమందికి గాయాలైనట్లు అధికారులు తెలిపారు. క్షతగాత్రులను సమీపంలోని ఆస్పత్రికి తరలించారు. అయితే ఈ ప్రమాదంలో 10 మందికి పైగా గాయపడ్డట్లు ప్రత్యక్ష సాక్షులు చెబుతున్నారు.

పాదచారుల వంతెన కూలడం వల్ల వచ్చే రైళ్లను ఇతర ప్లాట్​ఫాంల పైకి మళ్లిస్తున్నారు. వంతెన పరిస్థితి బాగా లేదని స్టేషన్ మాస్టార్​కు ఇదివరకే ఫిర్యాదులు అందాయని.. అయినప్పటికీ ఎలాంటి చర్యలు తీసుకోలేదని ప్రయాణికులు ఆరోపిస్తున్నారు.