ఫ్రాన్స్ నుంచి.. భారత్‌కు బయలుదేరిన అత్యాధునిక రఫేల్ యుద్ధ విమానాలు... ఆకాశంలోనే ఇంధనాన్ని నింపుకొన్నాయి.
సోమవారం బయల్దేరిన రఫేల్ విమానాలు మార్గ మధ్యలో.. అబుదాబి సమీపంలోని అల్-దాఫ్రా ఫ్రెంచ్ ఎయిర్‌బేస్ వద్ద ఇంధనం కోసం ఆగనున్నట్లు, తొలుత వార్తలు వెలువడ్డాయి. అయితే, ఆ అవసరం లేకుండా ఆకాశ మార్గంలో 30 వేల అడుగుల ఎత్తున ఇంధనాన్ని నింపుకొని ఔరా అనిపించాయి. ఈ మేరకు రఫేల్ విమానాలు తిరిగి సొంత గూటికి చేర్చడానికి సహకరించిన ఫ్రెంచ్ వాయు సేనను అభినందించింది భారత వాయు దళం.
రఫేల్ విమానాలు... దాదాపు 7వేల కిలోమీటర్లకు పైగా ప్రయాణించి బుధవారం... హరియాణాలోని అంబాలాకు చేరుకోనున్నాయి.
