పుల్వామా దాడిలో అమరులైన 40 మంది జవాన్ల త్యాగాలను దేశం ఎన్నడూ మరువదని పేర్కొన్నారు ప్రధానమంత్రి నరేంద్ర మోదీ. పుల్వామా ఘటన జరిగి ఏడాది పూర్తయిన సందర్భంగా ఆ దాడిలో ప్రాణాలు కోల్పోయిన సైనికులకు నివాళులర్పించారు మోదీ.
దేశ సేవ, రక్షణ కోసం ప్రాణాలర్పించిన వారు అసాధారణ వ్యక్తులని.. దేశ రక్షణలో తమ ప్రాణాలనే పణంగా పెట్టారని ట్వీట్ చేశారు ప్రధాని.
లాభపడిందెవరు..
పుల్వామా ఉగ్రదాడి జరిగి ఏడాది పూర్తయిన వేళ నాటి ఘటన ద్వారా ఎవరు ఎక్కువగా లాభపడ్డారని కాంగ్రెస్ ముఖ్యనేత రాహుల్ గాంధీ ప్రశ్నించారు. నాటి ఉగ్రదాడిలో అమరులకు నివాళులర్పించారు. ఆ ఘటనపై విచారణలో ఏం తేల్చారని... కేంద్ర ప్రభుత్వాన్ని ట్విట్టర్‌ ద్వారా నిలదీశారు. భద్రతాపరమైన లోపాల వల్ల జరిగిన దాడికి భాజపా ప్రభుత్వంలో ఎవరు బాధ్యత వహిస్తారని ప్రశ్నించారు.
ఇదీ చూడండి: పుల్వామా ఉగ్రదాడికి ఏడాది.. అమరులకు 'స్మారక చిహ్నం'
