కరోనా వంటి పరీక్షాకాలంలోనూ భారత్లో పెట్టుబడులు భారీగా పెరిగాయని ప్రధాన మంత్రి నరేంద్రమోదీ అన్నారు. భారత్ను విశ్వసనీయ, ఆశాజనక భాగస్వామిగా ప్రపంచదేశాలు భావిస్తున్నాయని పేర్కొన్నారు. ఐఐటీ-2020 గ్లోబల్ సమ్మిట్లో వర్చువల్గా పాల్గొని ప్రసంగించారు మోదీ. ప్రతిరంగంలోనూ సంస్కరణలకు ప్రపంచదేశాలు మొగ్గు చూపుతున్నట్లు తెలిపారు. దేశంలోనూ అనేక రంగాల్లో సృజనాత్మక ఆలోచనలు ప్రారంభమయ్యాయని చెప్పారు. ఈ అవకాశాలను విద్యార్థులు అందిపుచ్చుకోవాలని సూచించారు. తమ ప్రభుత్వం "సంస్కరణ, ప్రదర్శన, పరివర్తన" సూత్రాలకు పూర్తిగా కట్టుబడి ఉందన్నారు. ఎన్నో రంగాల్లో సంస్కరణలు తీసుకువచ్చామని అన్నారు.
"వ్యవసాయం, ఆర్థిక రంగం, బ్యాంకింగ్, పన్నులు వంటి అనేక రంగాల్లో సంస్కరణలు తీసుకువచ్చాం. 44 కేంద్ర కార్మిక చట్టాలను కేవలం నాలుగు కోడ్‌లుగా సమీకరించి, కార్మిక రంగంలో సరికొత్త సంస్కరణలను ప్రవేశపెట్టాం. మా కార్పొరేట్ పన్ను రేటు.. ప్రపంచంలోనే అత్యల్పంగా ఉంది."
-- ప్రధాన మంత్రి నరేంద్ర మోదీ.
భారత్ తన ఆచరణలో భారీ మార్పులకు సాక్ష్యంగా నిలుస్తోందని మోదీ అన్నారు. తాము ఎప్పటికీ జరగదని భావించిన పనులు.. ప్రస్తతం గొప్ప వేగంతో సాగుతున్నాయని చెప్పారు.
