'ప్రణబ్​ ఆరోగ్య పరిస్థితిలో మార్పు లేదు'

మాజీ రాష్ట్రపతి ప్రణబ్​ ముఖర్జీ తీవ్ర కోమలో ఉన్నారు. ఈ మేరకు ఆయన ఆరోగ్యంపై బులెటిన్​ విడుదల చేశారు ఆర్మీ ఆస్పత్రి వైద్యులు. ప్రస్తుతం వెంటిలేటర్​పైనే ఊపిరితిత్తుల ఇన్​ఫెక్షన్​కు సంబంధించి చికిత్స అందిస్తున్నట్లు తెలిపారు.

మాజీ రాష్ట్రపతి ప్రణబ్​ ముఖర్జీ ఆరోగ్య పరిస్థితిలో ఎలాంటి మార్పు లేదు. ఆయన కోమాలోనే ఉన్నారు. వెంటిలేటర్​పై చికిత్స పొందుతున్నారు. ఈ మేరకు దిల్లీలోని ఆర్మీ ఆస్పత్రి వైద్యులు తాజా బులెటిన్​ విడుదల చేశారు. రక్తపోటు, గుండె పని చేసే తీరు వంటి కీలక పారామితులన్నీ స్థిరంగా ఉన్నాయన్నారు.

మెదడుకు సంబంధించి శస్త్రచికిత్స కోసం ఆర్మీ ఆసుపత్రిలో చేరారు ప్రణబ్. అప్పటికే ఆయనకు కరోనా సోకినట్లు వైద్యులు నిర్ధరించారు. ఈ నెల 10న ఆపరేషన్​ చేశారు.

ఇదీ చూడండి: కారు ఢీకొడితే ఎగిరి బైక్​ కింద పడ్డాడు.. కానీ!