స్ట్రాంగ్రూంల్లో భద్రపరిచిన ఈవీఎమ్లలో టాంపరింగ్ జరిగిందని వస్తోన్న వార్తలను ఎన్నికల సంఘం ఖండించింది. పోలింగ్లో వాడిన ఈవీఎమ్లు అన్నీ స్ట్రాంగ్ రూంల్లో సురక్షితంగా ఉన్నాయని స్పష్టం చేసింది. సామాజిక మాధ్యమాల్లో ఈవీఎమ్ల టాంపరింగ్పై వస్తోన్న వార్తలు వదంతులేనని ఈసీ తెలిపింది. వీడియోల్లో కనిపిస్తోన్న ఈవీఎమ్లు ఎన్నికల్లో వాడినవి కావని రూఢి చేసింది.
సార్వత్రిక ఎన్నికల పోలింగ్ ముగిసిన తరువాత అన్ని ఈవీఎమ్లు, వీవీప్యాట్లు సీల్వేసి, పటిష్ఠ భద్రత నడుమ స్ట్రాంగ్ రూంల్లో భద్రపరిచామని ఈసీ తెలిపింది. పోలింగ్ అధికారులతోపాటు వివిధ పార్టీల అభ్యర్థుల సమక్షంలోనే ఇదంతా నిర్వహించామని ఈసీ తెలిపింది. ఈ తతంగాన్ని అంతా వీడియోలో రికార్డ్ చేసినట్లు వివరించింది.
ఓట్ల లెక్కింపు జరిగే వరకు సీసీటీవీ ద్వారా నిత్యం పర్యవేక్షణ జరుగుతూనే ఉంటుందని స్పష్టం చేసింది. 24 గంటలూ కేంద్ర సాయుధ బలగాలు కాపలాగా ఉంటున్నారని, వారితో పాటు అభ్యర్థులు లేదా వారి ప్రతినిధులూ అక్కడే ఉంటున్నారని స్పష్టం చేసింది.
ఓట్ల లెక్కింపు జరిగే రోజు అభ్యర్థులు లేదా వారి ప్రతినిధుల సమక్షంలోనే స్ట్రాంగ్రూంలు తెరుస్తామని ఈసీ తెలిపింది. ఓట్ల లెక్కింపు మొదలుపెట్టే ముందు ఈవీఎమ్ల అడ్రస్ టాగ్లు, సీల్స్, సీరియల్ నెంబర్లను పోలింగ్ ఏజెంట్లకు చూపుతామని ఈసీ వివరించింది.
ఎన్నికల ప్రకటన చేసినప్పటి నుంచి సుమారు 93 సమావేశాలు నిర్వహించిన ఈసీ ఎన్నికల నియమ నిబంధనలను రాజకీయ పార్టీలకు వివరించించింది. అలాగే ప్రధాన ఎన్నికల అధికారులకు, జిల్లా ఎన్నికల అధికారులకు ఓట్ల లెక్కింపు ఏర్పాట్లు, ప్రక్రియ గురించి అభ్యర్థులకు వివరించమని తెలిపామనీ స్పష్టం చేసింది.
సామాజిక మాధ్యమాల్లో కనిపిస్తున్న వీడియోల్లోనివి ఎన్నికల్లో ఉపయోగించని ఈవీఎమ్లు అయ్యుండొచ్చని ఈసీ తెలిపింది. ఈ విషయంపై పూర్తిస్థాయి దర్యాప్తు చేస్తామని, తప్పు జరిగితే బాధ్యులైన అధికారులపై కఠిన చర్యలు తీసుకుంటామంది.
నిర్వచన్ సదన్లో ఈవీఎమ్ కంట్రోల్ రూమ్ 011-23052123 పనిచేస్తోందని, ఇది ఓట్ల లెక్కింపు పూర్తయ్యేవరకు ఈవీఎమ్లపై వచ్చిన ఫిర్యాదులను స్వీకరిస్తుందని ఈసీ తెలిపింది. ఇది మే 22 ఉదయం 11 గంటల నుంచి అందుబాటులో ఉంటుందని ఈసీ స్పష్టం చేసింది.
ఇదీ చూడండి: ఈవీఎంల భద్రత బాధ్యత ఈసీదే: ప్రణబ్
