మధ్యప్రదేశ్లోని గ్వాలియర్లో కాంగ్రెస్, భాజపా నేతల మధ్య ఘర్షణ చోటు చేసుకుంది. గ్వాలియర్ పట్టణంలో వేయిపడకల ఆస్పత్రికి శిలాఫలకం వేసేందుకు కాంగ్రెస్ ఎంపీ జ్యోతిరాదిత్య వచ్చారు. ఈ కార్యక్రమంపై భాజపా నిరసన వ్యక్తం చేసింది. ఈ సమయంలో ఇరుపార్టీల కార్యకర్తల మధ్య మాటామాటా పెరిగి ఘర్షణకు దారి తీసింది.
పోలీసులపై చేయి చేసుకున్న జశ్వంత్ సింగ్, భాజపా-కాంగ్రెస్ కార్యకర్తల మధ్య ఘర్షణ
ఇరు పక్షాలను ఆపే ప్రయత్నం చేసిన పోలీసులపై భాజపా నేత జశ్వంత్ సింగ్ చేయిచేసుకున్నారు. ఆగ్రహించిన పోలీసులు జశ్వంత్ సింగ్ను చితక బాదారు. ఇరు వర్గాలపై లాఠీ చార్జ్ చేసినా ఉద్రిక్తతలు అదుపులోకి రానందున పరిస్థితిని నియంత్రించేందుకు పోలీసులు భాష్పవాయువును ప్రయోగించారు.
