సార్వత్రిక ఎన్నికల్లో ఘన విజయం సాధించిన అనంతరం తొలిసారి ప్రధానమంత్రి నరేంద్ర మోదీ ప్రధాని కార్యాలయం(పీఎంఓ) సిబ్బందితో సమావేశమయ్యారు. అంకితభావంతో విధులు నిర్వర్తించారని సిబ్బందిని మోదీ అభినందించారు.
"మీ అందరికీ ధన్యవాదాలు. ప్రధాని విజయం సాధించారని దేశంతో పాటు ప్రపంచమూ అనుకుంటుంది. సామాన్యుల్లో ఆశ, మార్పు పెంచడం కోసం జరిగిన ఐదేళ్ల కఠోర సాధనకు ప్రధానిని మెచ్చుకుంటారు. టీవీ, పత్రికల్లోనూ ప్రధానే కనపడతారు. శుభాకాంక్షలు కూడా ప్రధాని ఖాతాలోనే పడతాయి. కానీ అంకితభావమున్న బృందం లేకపోతే... ఎన్ని కలలు కన్నా ఫలితం దక్కదు. ప్రధాని- సిబ్బంది ఆలోచనలు కలిస్తేనే ఫలితం దక్కుతుంది."
--- నరేంద్ర మోదీ, ప్రధానమంత్రి.
నూతన ఉత్సాహం, ఉత్తేజంతో రెండోసారి మరింత మెరుగ్గా పనిచేయాలని పీఎంఓ సిబ్బందికి మోదీ పిలుపునిచ్చారు.
ఇదీ చూడండి: కారుపై 'పేడ కోటింగ్'... చల్లటి ఐడియా గురూ!
