జైట్లీ కుటుంబసభ్యులకు ప్రధాని మోదీ పరామర్శ

ప్రధాని నరేంద్రమోదీ ఇవాళ అరుణ్​జైట్లీ కుటుంబ సభ్యులను పరామర్శించారు. జైట్లీ నివాసానికి వెళ్లి దివంగత నేతకు పుష్పాంజలి ఘటించారు. విదేశీ పర్యటనలో ఉన్న కారణంగా ఆయన జైట్లీ అంత్యక్రియలకు హాజరు కాలేకపోయారు.

దివంగత నేత అరుణ్​జైట్లీ కుటుంబ సభ్యులను ప్రధాని నరేంద్రమోదీ పరామర్శించారు. ఇవాళ ఉదయం విదేశీ పర్యటన నుంచి తిరిగి వచ్చిన మోదీ నేరుగా దక్షిణ దిల్లీలోని జైట్లీ నివాసానికి వెళ్లారు. జైట్లీ చిత్రపటానికి పుష్పాంజలి ఘటించారు.

జైట్లీ నివాసంలోనే 20-25 నిమిషాలు గడిపిన మోదీ... జైట్లీ భార్య, బిడ్డలను ఓదార్చారు. ప్రధాని కంటే ముందు జైట్లీ నివాసానికి వెళ్లిన కేంద్ర హోంమంత్రి అమిత్​షా జైట్లీ కుటుంబసభ్యులను పరామర్శించారు.

విదేశీ పర్యటన వల్లే..

దిల్లీలోని ఎయిమ్స్​లో చికిత్స పొందుతూ అరుణ్​జైట్లీ (66) గత శనివారం కన్నుమూశారు. ఆదివారం ఆయన అంత్యక్రియలు జరిగాయి. ఆ సమయంలో మోదీ విదేశీ పర్యటనలో ఉన్నారు. అందువల్ల ఆయన అంతిమయాత్రకు హాజరుకాలేకపోయారు. ఫోన్​ ద్వారా జైట్లీ కుటుంబానికి ప్రగాఢ సానుభూతి తెలిపారు.

ఇదీ చూడండి: 'ఆర్​బీఐ నుంచి సర్కారు డబ్బు దొంగతనం'