72వ గణతంత్ర దినోత్సవం సందర్భంగా ప్రధాని నరేంద్ర మోదీ వేషధారణ ఆకట్టుకుంది. రాజ్పథ్లో నిర్వహించిన పరేడ్ను పురస్కరించుకుని ప్రత్యేక జామ్నగర్ తలపాగాలో ఆయన కనిపించారు.
గణతంత్ర వేడుకలకు ప్రతి ఏడాదిలాగే ఈ సారీ ప్రత్యేక వస్త్రధారణతో కనిపించారు మోదీ. ఎరుపు వస్త్రంపై పసుపుపచ్చ చుక్కలున్న తలపాగా చుట్టారు. దీనిని గుజరాత్ జామ్నగర్కు చెందిన రాజ కుటుంబం నుంచి ఆయన కానుకగా పొందారు. వీటితో పాటు సంప్రదాయ కుర్తా, పైజామా, బూడిద రంగు జాకెట్, ముఖానికి మాస్క్ ధరించారు.
ఆహార్యానికి ఎంతో ప్రాధాన్యం ఇచ్చే మోదీ.. వివిధ సందర్భాలకు తగ్గట్లు వస్త్రధారణ మారుస్తూ ఉంటారు. మొట్టమొదటి సారి 2014 స్వాతంత్య్ర దినోత్సవాన్ని పురస్కరించుకుని జోధ్పుర్కు చెందిన ఎరుపు రంగు వస్త్రానికి చివర ఆకుపచ్చ తోక కలిగిన తలపాగాతో కనిపించారు.
ఇదీ చదవండి: అమర జవాన్లకు మోదీ నివాళులు
