పద్మ భూషణ్​ వెనక్కి ఇచ్చేస్తా: హజారే

దేశంలోని మూడో అత్యున్నత పౌర పురస్కారం పద్మభూషణ్​ను వదులుకునేందుకు సిద్ధపడ్డారు అన్నా హజారే.

ప్రముఖ సామాజిక ఉద్యమకారుడు అన్నా హజారే తనకు ఇచ్చిన దేశ మూడో అత్యున్నత పౌరపురస్కారం పద్మ భూషణ్​ను వెనక్కి ఇచ్చేస్తానని ప్రకటించారు. హజారే అవార్డు కోసం పని చేయలేదని తెలిపారు. తాను చేసిన సామాజిక సేవకు గుర్తింపుగా ఈ పురస్కారాన్ని అందజేశారన్నారు. ప్రస్తుతం దేశమున్న పరిస్థితుల్లో పద్మభూషణ్​ను తనవద్దే పెట్టుకోవటం సరైనది కాదన్నారు.

" నా పద్మ భూషణ్​ పురస్కారాన్ని రాష్ట్రపతికి తిరిగి ఇచ్చేస్తాను. నేను పురస్కారం కోసం పని చేయలేదు. సమాజం, దేశం కోసం సేవ చేస్తూ ఉంటే మీరే ఇచ్చారు. ప్రస్తుతం సమాజం, దేశం ఇబ్బందుల్లో ఉంటే ఈ పురస్కారం ఎందుకు..?"
- అన్నా హజారే, సామాజిక ఉద్యమకారుడు

లోకాయుక్త, లోక్‌పాల్‌ నియామకంలో కేంద్ర ప్రభుత్వ జాప్యంపై నిరసనగా అన్నాహజారే ‘'జన్‌ ఆందోళన్‌ సత్యాగ్రహ'’ పేరిట గత నెల 30 నుంచి స్వగ్రామం రాలేగావ్‌ సిద్ధిలో దీక్ష ప్రారంభించిన విషయం తెలిసిందే.