హరియాణా ఫరీదాబాద్ ప్రభుత్వ ఆసుపత్రి సిబ్బంది రోగి పట్ల అమానవీయంగా ప్రవర్తించారు. విరిగిన కాళ్లనే తలగడగా పెట్టారు. సిబ్బంది నిర్లక్ష్యంపై పలువురు ఆగ్రహం వ్యక్తం చేస్తున్నారు.
ప్రదీప్ ఫరీదాబాద్లోని ఓ ప్రైవేట్ సంస్థలో పనిచేస్తున్నారు. ఇంటి నుంచి కార్యాలయానికి వెళ్లే దారిలో రైలు మార్గం ఉంది. పట్టాలు దాటుతున్న సమయంలో వేగంగా వస్తున్న రైలు ప్రదీప్ను ఢీకొట్టింది.
ఈ ప్రమాదంలో ప్రదీప్ రెండు కాళ్లు కోల్పోయారు. చికిత్స నిమిత్తం ఫరీదాబాద్ ప్రభుత్వ ఆసుపత్రికి తరలించారు. వైద్యులు.. ప్రదీప్ తల కింద విరిగిన కాళ్లను పెట్టి అమానుషంగా ప్రవర్తించారు. ఆ సమయంలో చిత్రీకరించిన దృశ్యాలు సామాజిక మాధ్యమాల్లో వైరల్గా మారాయి.
ఆసుపత్రిలో పూర్తిస్థాయి సౌకర్యాలు ఉన్నా.. ఈ విధంగా చేయటం వైద్యుల నిర్లక్ష్యమేనని స్థానికులు మండిపడుతున్నారు.
ఇదీ చూడండి: నిగంబోధ్ ఘాట్లో అరుణ్ జైట్లీ అంత్యక్రియలు
