పతంజలి ఆయుర్వేద సంస్థకు ఆయుష్ మంత్రిత్వశాఖ ఊరట కల్పించింది. ఆ సంస్థ తయారుచేసిన 'కరోనిల్' ఔషధ అమ్మకాలకు పచ్చజెండా ఊపింది. అయితే రోగ నిరోధక శక్తిని పెంచే ఔషధం(ఇమ్యూనిటీ బూస్టర్)గా మాత్రమే దీనిని విక్రయించాలని స్పష్టం చేసింది ఆయుష్ మంత్రిత్వశాఖ.
కేంద్ర మంత్రిత్వశాఖతో తమ సంస్థకు ఎలాంటి విభేదాలు లేవని పతంజలి ఆయుర్వేదిక్ లిమిటెడ్ వెల్లడించింది. అయితే ఆ ఔషధాన్ని పరిశీలించే వరకు విక్రయాలను ఆపాలని గత వారం కోరినట్లు తెలిపింది.
ఈ విషయంపై స్పందిస్తూ యోగా గురు రామ్దేవ్ బాబా.. హరిద్వార్లోని విలేఖరుల సమావేశంలో మాట్లాడారు.
'కరోనిల్ ఔషధాన్ని వాడాలనుకునే వారికి నేను చెప్పదలుచుకున్నది ఒక్కటే. మా అమ్మకాలపై ఇప్పుడు ఎలాంటి ఆంక్షలు లేవు. నేటి నుంచి దేశంలో ఎక్కడి నుంచైనా తీసుకోవచ్చు.'
- బాబా రామ్దేవ్, పతంజలి ఆయుర్వేదిక్ లిమిటెడ్
మార్గనిర్దేశాలకు అనుగుణంగానే..
అయితే.. 'కొవిడ్ ట్రీట్మెంట్' స్థానంలో 'కొవిడ్ మేనేజ్మెంట్' అనే పదాన్ని ఉపయోగించాలని ఆయుష్ మంత్రిత్వ శాఖ సూచించిందని రామ్దేవ్ బాబా పేర్కొన్నారు. కేంద్ర మార్గ నిర్దేశకాలకు అనుగుణంగా తాము నడుచుకుంటామని ఆయన స్పష్టం చేశారు.
ఇదీ చదవండి: 'అది కరోనా మందు కాదు- ఇమ్యునిటీ బూస్టర్ మాత్రమే'
