ఆధార్ చట్ట సవరణ బిల్లుకు పార్లమెంట్ ఆమోదం
బ్యాంకు ఖాతా, మొబైల్ నంబర్ పొందేందుకు ఆధార్ సంఖ్యను స్వచ్ఛందంగా వినియోగించుకునే వీలు కల్పించే ఆధార్, ఇతర చట్టాల సవరణ బిల్లుకు పార్లమెంట్ ఆమోదం తెలిపింది. రాజ్యసభలో మూజవాణి ఓటుతో బిల్లుకు నేడు ఆమోదం లభించింది.
ఆధార్ చట్టం 2016, మనీ లాండరింగ్ చట్టం 2005, భారతీయ టెలిగ్రాఫ్ చట్టం 1885లలో సవరణలు చేయడానికి వీలుగా ఈ బిల్లును రూపొందించారు. దీని ద్వారా ఆధార్ కలిగి ఉన్న వ్యక్తి అనుమతితో ఆధార్ సంఖ్యను భౌతికంగా, ఎలక్ట్రానిక్ రూపంలో ధ్రువీకరణకు ఉపయోగించుకోవచ్చు.
ప్రైవేటు సంస్థలు ఆధార్ డేటాను భద్రపరిస్తే కోటి రూపాయల వరకు జరిమానా, జైలు శిక్షను ఎదుర్కోవాల్సి ఉంటుంది. జూన్ 24న ఈ ఆధార్ చట్ట సవరణ బిల్లును లోక్సభలో ప్రవేశపెట్టగా ఈ నెల 4వ తేదీన లోక్సభ ఆమోదం తెలిపింది.
ఇదీ చూడండి: 'డిజిటల్ కిరాణం'లో దూసుకెళ్తున్న భారత్
