కరోనా కలవరం: దేశంలో 559కి చేరిన మృతుల సంఖ్య

దేశంలో కరోనా క్రమంగా విస్తరిస్తోంది. గుజరాత్​లో కొత్తగా 108 కేసులు నమోదు కాగా, బంగాల్​లో యాక్టివ్​ కేసుల సంఖ్య 245కు చేరింది. దేశవ్యాప్తంగా ఇప్పటివరకు 559 మంది మహమ్మారికి బలయ్యారు.

ప్రపంచదేశాలను వణికిస్తోన్న కరోనా.. భారత్​లోనూ తీవ్ర ప్రభావం చూపిస్తోంది. దేశంలో వైరస్​ బారిన పడి మృతి చెందిన వారి సంఖ్య 559కి చేరగా.. కేసుల సంఖ్య 17,656కు పెరిగింది.

దేశంలో కరోనా కేసు వివరాలు

ఆయా రాష్ట్రాల్లో నేటి కేసులు

• గుజరాత్​లో ఈరోజు మరో 108 మందికి కరోనా నిర్ధరణయింది. ఇప్పటివరకు రాష్ట్రవ్యాప్తంగా 1,851 కేసులు నమోదయ్యాయి. వైరస్​ బారిన పడి మరో నలుగురు మరణించగా.. మెత్తం మృతుల సంఖ్య 67కు చేరింది.
• బంగాల్​లో గడిచిన 24 గంటల్లో 54 మందికి కరోనా సోకగా.. ఇప్పటివరకు నమోదైన యాక్టివ్​ కేసుల సంఖ్య 245కు పెరిగింది.
• రాజస్థాన్​లో మరో ఇద్దరు కరోనాతో మృతి చెందారు. 57 మందికి వైరస్​ పాజిటివ్​ తేలింది. ఇందులో 43 మంది జైపుర్​కు చెందినవారు. రాష్ట్రంలో మెత్తం 1,535 మందికి వైరస్​ సోకగా.. 25 మంది మరణించారు.