కరోనా వైరస్ శుభకార్యాలకు ఆటంకంగా మారింది. కొందరు పెళ్లిళ్లు వాయిదా వేసుకున్నారు. మరికొందరేమో ఏనాడో నిశ్చయమైన వివాహాన్ని వాయిదా వేయడం ఇష్టం లేక.. సాంకేతికతను వినియోగించుకుని కల్యాణం జరిపించేస్తున్నారు. కొవిడ్-19 కారణంగా మహారాష్ట్ర ఔరంగాబాద్లో వీడియో కాల్లోనే నిఖా జరిగిపోయింది.
"ఆరు నెలల క్రితమే పెళ్లి నిశ్చయమైంది. అందుకే ఇరు కుటుంబాలు ఈ పెళ్లిని ఎలాగోలా జరిపించాలని నిర్ణయించుకున్నారు. దేశంలో లాక్డౌన్ కొనసాగుతున్న నేపథ్యంలో ఈ తరం టెక్నాలజీని ఉపయోగించి.. వీడియోల్ ద్వారా వివాహం జరిపించాం. ఇలా కనుక జరగకపోయి ఉంటే... పెళ్లి పేరిట వేలాదిమంది గుమిగూడాల్సివచ్చేది. అందుకే, పెళ్లికొడుకు బరాత్ అక్కడికి వెళ్లలేదు. ఫోన్ సాయంతోనే నిఖా కుబుల్ అనిపించేశాము. అల్లా దయవల్ల ఎలాంటి ఖర్చు లేకుండా నిఖా జరిగిపోయింది. కాకపోతే, మహమ్మారి కారణంగా బంధువులంతా ఒకరిని ఒకరు కలుసుకోలేకపోయారు."
-పెళ్లి కుమారుడి బంధువు
ఇదీ చదవండి:ఇంటి నుంచి బయటకు వచ్చాడని తండ్రిపైనే కేసు!
