కేరళ బంగారం స్మగ్లింగ్ కేసులో జాతీయ దర్యాప్తు సంస్థ (ఎన్ఐఏ) 20 మందిపై అభియోగ పత్రం దాఖలు చేసింది. ప్రధాన నిందితులు స్వప్న సురేష్, సరిత్ సహా 20 మంది నిందితులపై కేసు నమోదు చేసినట్టు అధికారులు మంగళవారం స్పష్టం చేశారు. స్వప్న సురేష్, సరిత్లు ఇద్దరూ యూఏఈ కాన్సులేట్లో మాజీ ఉద్యోగులని, వారు తమ పాత సంబంధాల సాయంతో రాయబార మార్గాల ద్వారా బంగారం స్మగ్లింగ్కు పాల్పడినట్టు అభియోగాలు నమోదు చేశారు.
ఏడాది క్రితం..
గతేడాది జులై 5న తిరువనంతపురం విమానాశ్రయంలో.. యూఏఈ కాన్సులేట్ కార్యాలయం బ్యాగేజీ నుంచి 30 కిలోల బంగారాన్ని కస్టమ్స్ అధికారాలు స్వాధీనం చేసుకున్నారు. ఈ కేసులో ఇప్పటివరకూ 21 మంది నిందితులను ఎన్ఐఏ అరెస్టు చేయగా, 8 మంది పరారీలో ఉన్నారు.
ఇదీ చదవండి : కేరళ ఆటోల్లో పోస్టల్ శాఖ డిజిటల్ చెల్లింపులు
