మహారాష్ట్రలో ఘోర రోడ్డు ప్రమాదం జరిగింది. మైదా బస్తాల లోడుతో వచ్చిన ఓ టెంపో.. రోడ్డు పక్కన బైక్లపై నిల్చున్న వ్యక్తులపై పడిపోయింది. రాయ్గఢ్ జిల్లా పుణె-ముంబయి జాతీయ రహదారిపై ఈ ఘటన జరిగింది. ప్రమాదంలో ఐదుగురు అక్కడికక్కడే ప్రాణాలు కోల్పోయారు. మరొకరికి గాయాలయ్యాయి.
వివరాల ప్రకారం.. అలీబాగ్ నుంచి తలేగావ్కు బైక్లపై వెళ్లిన ఆరుగురు వ్యక్తులు తిరుగుప్రయాణంలో ఖోపోలీ పోలీస్ స్టేషన్ పరిధిలోని ఆనంద్ మలుపు వద్ద ఆగారు. అదే సమయంలో అటుగా వస్తున్న ఓ టెంపో అదుపుతప్పి వీరిపై పడినట్లు సమాచారం. ట్రక్కు కింద నలిగిపోయి ఐదుగురు ప్రాణాలు కోల్పోయారు. ఘటనా స్థలానికి కాస్త దూరంలో ఉన్న మరో వ్యక్తి ప్రమాదం నుంచి తప్పించుకున్నాడు. ఘటన అనంతరం.. ఆ వాహనం డ్రైవర్ పరారుకాగా పోలీసులు అతని కోసం గాలిస్తున్నారు.
ఇదీ చూడండి:ఘర్షణలతో జనజీవనం అస్తవ్యస్తం.. రిక్షా కార్మికుడే నిదర్శనం!
