నరేంద్రుడి నోట 'జై శ్రీరామ్' మాట

ఎన్నికల ప్రచారంలో ప్రతిసారి 'భారత్​​ మాతాకీ జై' అని ప్రసంగాన్ని ముగించే ప్రధాని నరేంద్ర మోదీ ఈ సారి 'జై శ్రీరామ్'​ అని నినదించారు. ఉత్తరప్రదేశ్​ ఆయోధ్య ప్రాంతం అంబేడ్కర్​ నగర్​లో ఎన్డీఏ ర్యాలీలో ఇలా అనడం ప్రాధాన్యం సంతరించుకుంది.

సార్వత్రిక ఎన్నికల ప్రచారంలో జాతీయవాదం, దేశభద్రత, హిందుత్వాన్ని భాజపా ప్రధానాంశాలుగా చేసుకుందన్నది నిపుణుల మాట. ఈ విశ్లేషణలకు ఊతమిస్తూ... ప్రధాని నరేంద్రమోదీ కీలక వ్యాఖ్యలు చేశారు.

ఉత్తర్​ప్రదేశ్​ అయోధ్య ప్రాంతంలోని అంబేడ్కర్​ నగర్​లో నిర్వహించిన ప్రచార సభలో... తన ప్రసంగాన్ని "జై శ్రీ రామ్​", "భారత్​ మాతా కీ జై" నినాదాలతో ముగించారు మోదీ.

సాధారణంగా మోదీ ప్రసంగాలన్నీ "భారత్​ మాతా కీ జై" నినాదాలతో ముగుస్తాయి. అయోధ్య ప్రాంతంలో జరిగిన సభలో మాత్రం రాముడ్ని ప్రస్తావించారు.

అయోధ్యలో రామ మందిర నిర్మాణానికి అవసరమైన చర్యలు చేపడతామని భాజపా ఎన్నికల మేనిఫెస్టోలో హామీ ఇచ్చింది.

ఇదీ చూడండి: 'వారిది మాటల ప్రభుత్వం- మాది చేతల సర్కార్​'