జులై 6న వారణాసికి ప్రధాని నరేంద్ర మోదీ
ప్రధానమంత్రి నరేంద్ర మోదీ జులై 6న ఉత్తరప్రదేశ్లోని వారణాసిలో పర్యటించనున్నారు. సొంత నియోజకవర్గమైన వారణాసిలో మోదీ మొక్కలను నాటే కార్యక్రమంలో పాల్గొననున్నారు. దీనితో పాటు పార్టీ సభ్యత్వ నమోదు ప్రక్రియను ప్రారంభించనున్నారు.
10 వేల విద్యార్థులతో...
పంచకోశి మార్గంలో ఈ మొక్కలు నాటే కార్యక్రమాన్ని చేపట్టనున్నట్టు భాజపా తెలిపింది. ఈ కార్యక్రమంలో దాదాపు 10వేల మంది విద్యార్థులు పాల్గొంటారని స్పష్టం చేసింది.
అనంతరం వారణాసి శివారు ప్రాంతమైన రామేశ్వరంలో పార్టీ కార్యకర్తలతో సమావేశంకానున్నారు ప్రధాని.
లోక్సభ ఎన్నికల్లో ఘన విజయం సాధించిన అనంతరం వారణాసిలో జులై 6న మోదీ రెండోసారి పర్యటించనున్నారు.
ఇదీ చూడండి:- వాణిజ్య యుద్ధం నుంచి స్నేహగీతం వైపు!
