మణిపుర్ రాజధాని ఇంఫాల్ ఎన్నికల ప్రచారంలో కాంగ్రెస్ పార్టీపై ప్రధానమంత్రి నరేంద్ర మోదీ తీవ్ర విమర్శలు చేశారు. కాంగ్రెస్ పాకిస్థాన్కు మద్దతు పలుకుతోందని ఆరోపించారు. హస్తం పార్టీ.. మోసాల పత్రం పాకిస్థాన్కే బాకా ఊదేలా ఉందని ఎద్దేవా చేశారు.
కాంగ్రెస్ పాకిస్థాన్ బాకా ఊదుతోంది:మోదీ
"పాకిస్థాన్ ప్రపంచవ్యాప్తంగా ప్రచారం చేయాలనుకున్న విషయాన్నే కాంగ్రెస్ నేతలు మాట్లాడుతున్నారు. జమ్ము కశ్మీర్లో ఇద్దరు ప్రధానమంత్రులు ఉండాలనుకున్నవారికే కాంగ్రెస్ మద్దతునిస్తోంది. కాంగ్రెస్ పార్టీ 'మోసాల' పత్రం చూస్తే భారత దేశం కన్నా పాకిస్థాన్కే ఎక్కువ బాకా ఊదుతోందని స్పష్టమవుతోంది."
-నరేంద్ర మోదీ, ప్రధానమంత్రి.
కాంగ్రెస్ పాలనలో రాష్ట్రం దయనీయ స్థితిలో ఉండేదని... భాజపా పాలనలో ప్రజల అభివృద్ధికి ఎంతో కృషి చేశామని ప్రధాని స్పష్టం చేశారు.
