కేరళలో తప్పిపోయి.. 8 ఏళ్లకు ఒడిశాలో దొరికాడు!

కేరళలోని మతిస్థిమితం లేని ఓ వ్యక్తి ఎనిమిదేళ్ల క్రితం ఇంటినుంచి వెళ్లిపోయి ఇటీవల తిరిగొచ్చాడు. వెతికివెతికి అలసిపోయిన కుటుంబ సభ్యులు అతనిపై ఆశలు వదులుకున్నారు. కేరళ నుంచి ఒడిశాకు వెళ్లిన అతను మళ్లీ ఇంటికి ఎలా చేరుకున్నాడో తెలుసుకోండి.

మతిస్థిమితం కోల్పోయిన ఓ వ్యక్తిని కుటుంబానికి దూరం చేసింది విధి. కానీ 8 ఏళ్ల తరువాత తిరిగి ఇంటికి చేర్చింది మానవత్వం.

కేరళకు చెందిన ఉమర్​ కోయ 2012లో తప్పిపోయాడు. కుటుంబ సభ్యులు ఎంత వెతికినా లాభం లేకపోయింది. ఒడిశాకు ఎలా చేరుకున్నాడో గానీ.. కొన్నేళ్లపాటు సుందర్​గఢ్ జిల్లా​ కలెక్టర్​ కార్యాలయం వద్దే కాలం వెల్లదీశాడు.

ఎనిమిదేళ్ల క్రితం ఉమర్​ తప్పిపోయినప్పటి ప్రకటన..

ఎవరైనా దయతలచి ఆహారం పెడితే తినేవాడు.. లేదంటే ఆకలితోనే నిద్రపోయేవాడు. కనీసం జబ్బు చేస్తే పట్టించుకునే నాథుడు కూడా లేడు. అలా, అత్యంత దుర్భర జీవితం గడుపుతున్న ఉమర్​ను కొన్ని నెలల క్రితం సామాజిక కార్యకర్త శీజూ థామస్ చేరదీశాడు​.

మానసిక స్థితి సరిగ్గా లేని ఉమర్​ను ఆసుపత్రిలో చేర్చి చికిత్స చేయించాడు. కౌన్సిలింగ్​ ఇప్పించాడు. ఉమర్​ స్వస్థలం కేరళ అని తెలుసుకుని కుటుంబసభ్యులకు సమాచారమిచ్చాడు. అలా 8 ఏళ్ల క్రితం విడిపోయి... శీజూ థామస్ సహృదయంతో తిరిగి కలుసుకున్నారు.

ఆసుపత్రిలో చికిత్స పొందుతున్న ఉమర్..

ఇక తిరిగి రాడేమో అనుకున్న సోదరుడు​ వచ్చేసరికి ఆనందంలో మునిగిపోయారు ఉమర్ అన్నాదమ్ములు​.

ఎన్నేళ్లకు కలిశాం సోదరా..

ఇదీ చదవండి:వైరల్​: ఘాట్​ రోడ్​లో రాంగ్​ రూట్​లో వెళ్తే ఇంతే...