ఉత్తర్ప్రదేశ్ మిర్జాపుర్ జిల్లాలో దారుణం జరిగింది. తన ప్రేమకు అడ్డుగా ఉందనే అక్కసుతో ప్రియుడితో కలిసి చెల్లిని హత్య చేసింది 15 ఏళ్ల అక్క.
మిర్జాపుర్ జిల్లాలోని భరుహియా గ్రామంలో రైల్వే ట్రాక్పై అనుమానాస్పద స్థితిలో ఓ బాలిక మృత దేహాన్ని గుర్తించారు పోలీసులు. ఆ తర్వాత రెండు రోజులకు ఇద్దరు బాలికలు కనిపించటం లేదని ఫిర్యాదు అందింది. రెండు ఘటనలకు సంబంధించి దర్యాప్తు వేగంగా పూర్తి చేసి కేసును ఛేదించినట్టు జిల్లా ఏఎస్పీ సంజయ్ వర్మా తెలిపారు.
"2020, అక్టోబర్ 1న సాయంత్రం 4 గంటల ప్రాంతంలో దిలీప్ సింగ్ కుమార్తెలు అంజలి(15), నందిని(10) కనిపించకుండాపోయారు. పద్రీ స్టేషన్లో ఫిర్యాదు నమోదైన క్రమంలో బాలికల కోసం తనిఖీలు చేపట్టారు. ఆ తర్వాత పెద్ద కూతురు తన ప్రియుడితో కలిసి ద్విచక్రవాహనంపై వెళుతుండటం గుర్తించారు. చిన్న కూతురు రైల్వే ట్రాక్పై శవమై తేలింది. తమ ప్రేమ వ్యవహారంలో చెల్లి అడ్డంకులు సృష్టిస్తోందనే కారణంతో పథకం ప్రకారం తన ప్రియుడి సాయంతో హతమార్చినట్లు ప్రాథమిక విచారణలో తేలింది."
- సంజయ్ వర్మ, జిల్లా ఏఎస్పీ.
రైల్వే క్రాసింగ్ సమీపంలో నందిని మృతదేహాన్ని కుళ్లిపోయిన స్థితిలో స్వాధీనం చేసుకున్నారు. శవపరీక్ష నిమిత్తం ఆసుపత్రికి తరలించారు.
కేసును సత్వరం పరిష్కరించిన దర్యాప్తు బృందానికి రూ.25వేల బహుమతి ఇవ్వనున్నట్లు తెలిపారు ఏఎస్పీ సంజయ్ శర్మ.
