ఛత్తీస్గఢ్లోని బల్రాంపుర్లో ఓ మైనర్పై ఎనిమిది మంది అత్యాచారానికి పాల్పడ్డారు. 15రోజుల పాటు అతి క్రూరంగా ఈ దారుణానికి ఒడిగట్టారు. వీరిలో నలుగురు బాలురు ఉన్నట్లు పోలీసులు గుర్తించారు. వీరిపై స్థానిక రాజ్పుర్ పోలీస్ స్టేషన్లో కేసు నమోదైంది.
నవంబర్ 20న తమ కూతురు తప్పిపోయినట్లు తల్లిదండ్రులు పోలీసులకు ఫిర్యాదు చేశారు. ఈ క్రమంలో దర్యాప్తు చేపట్టిన పోలీసులు.. సుగ్రుజా జిల్లాలో బాధితురాలి ఆచూకీ కనుగొన్నారు. నిందితులను అరెస్టు చేశారు. బాలల రక్షణ చట్టం(పోక్సో) కింద కేసు నమోదు చేసినట్లు అధికారులు తెలిపారు.
నమ్మి.. మోసపోయి...
మొదట బాలిక తనకు పరిచయం ఉన్న సాగర్ అనే యువకుడిని కలిసేందుకు బల్రాంపుర్ నుంచి అంబికాపుర్కు వెళ్లింది. ఇదే అదునుగా భావించిన సాగర్ ఆమెను స్నేహితుని గదికి తీసుకెళ్లాడు. ఈ క్రమంలో మిగిలిన మిత్రులు (ఏడుగురు) కలిసి అత్యాచారానికి పాల్పడ్డారు. 15 రోజుల పాటు బాలికను గదిలో బంధించారు. అక్కడి నుంచి ఇంటికి చేరుకున్న బాలిక తల్లిదండ్రులకు విషయం తెలిపింది. దీంతో రంగంలోకి దిగిన పోలీసులు సాగర్తో పాటు అతని మిత్రులు అలాం సాయి, వినయ్ తిర్కి, సురేందర్ మింజ్ సహా మరో నలుగురు మైనర్లపై కేసు నమోదు చేశారు.
ఇదీ చూడండి: పొగమంచు వల్ల ప్రమాదం- ఆరుగురు మృతి
