ఒడిశాలో రక్షక భటులే.. భక్షకులయ్యారు. ఓ మైనర్ బాలికపై సామూహిక అత్యాచారానికి తెగబడ్డారు. దాదాపు రెండు నెలల క్రితం జరిగిన ఈ ఘోరం బాలిక తల్లి ఫిర్యాదుతో వెలుగులోకి వచ్చింది.
భువనేశ్వర్లోని ఇన్ఫోసిటీ పోలీస్ స్టేషన్ ప్రాంతానికి చెందిన బాలికపై 8 మంది మృగాళ్లు అత్యాచారానికి పాల్పడ్డారు. అందులో పోలీసు సిబ్బంది కూడా ఉండటం దారుణం. లాక్డౌన్ డ్యూటీ చేస్తూ.. ఒంటరిగా కనిపించిన బాలికను తుపాకీతో బెదిరించి ఘాతుకానికి పాల్పడ్డారు. అంతే కాదు, ఈ సంగతి ఎవరికైనా చెబితే చంపేస్తామన్నారు.
దారుణంగా అత్యాచారానికి గురై.. కుంగిపోయింది ఆ బాలిక. ఎవరితో చెప్పుకోవాలో తెలియక తనలో తానే రోధించింది. తాజాగా ఆ విషాదం నుంచి తేరుకుని విషయం ఇంట్లో చెప్పింది. కూతురికి జరిగిన అన్యాయం విని పోలీస్ స్టేషన్కు పరిగెత్తారు తల్లిదండ్రులు. మహిళా పోలీస్ స్టేషన్లో ఫిర్యాదు చేశారు.
అయితే, ఆ సమయంలో లాక్డౌన్ విధులు నిర్వహించేందుకు ఇతర జిల్లాల నుంచి వచ్చిన పోలీసులు ఈ ఘాతుకానికి పాల్పడి ఉంటారని భువనేశ్వర్ పోలీసులు అంటున్నారు.
ఇదీ చదవండి: శత్రువు కన్నుగప్పి సరిహద్దుకు చేర్చే రహదారి సిద్ధం!
