భారత్‌లో పర్యటిస్తున్న జర్మనీ ఛాన్సలర్ ఏంజెలా మెర్కెల్, ప్రధాని నరేంద్ర మోదీ భేటీ అయ్యారు. వాణిజ్యం, ఇంధనం, రక్షణ వంటి కీలక రంగాల్లో ద్వైపాక్షిక సంబంధాల బలోపేతం దిశగా ఇరువురు నేతలు చర్చలు జరపనున్నారు.
దిల్లీలోని హైదరాబాద్ హౌస్ వేదికైన ఈ భేటీలో రెండు దేశాల ప్రతినిధుల బృందం హాజరైంది. ఈ సమావేశంలో భారత్, జర్మనీల మధ్య దాదాపు 20 ఒప్పందాలు కుదిరే అవకాశమున్నట్లు సమాచారం.
హైదరాబాద్ హౌస్లో మోదీ, మెర్కెల్ ద్వైపాక్షిక భేటీ
అంతకు ముందు రాష్ట్రపతి భవన్ కు చేరుకున్న మెర్కెల్కు ప్రధాని సాదర స్వాగతం పలికారు. అనంతరం రాజ్ఘాట్ చేరుకుని మహాత్మాగాంధీకి నివాళులు అర్పించారు. మెర్కెల్ ఇవాళ సాయంత్రం రాష్ట్రపతి రామ్‌నాథ్‌ కోవింద్‌తో భేటీ కానున్నారు.
ఇదీ చూడండి: రాజ్ఘాట్లో మహాత్ముడికి మెర్కెల్ నివాళి
