కశ్మీర్లో ఆర్టికల్ 370 రద్దుతో భారత్-పాకిస్థాన్ దేశాల మధ్య సంబంధాలు మరింత బలహీనపడ్డాయి. భారత్ నిర్ణయంతో పుల్వామా తరహా దాడులు మరిన్ని జరగవచ్చని పాక్ ప్రధానమంత్రి ఇమ్రాన్ ఖాన్ హెచ్చరించారు. ఈ నేపథ్యంలో ఓ ఆడియోటేప్ కలకలం సృష్టిస్తోంది.
ఈ టేప్ నిషేధిత ఉగ్రవాద సంస్థ జైషే మహ్మద్ అధినేత మసూద్ అజార్కు చెందినదిగా అరోరా ఇంటెల్ సంస్థ గుర్తించింది. ఇందులో తన అనుచరులకు మసూద్ ఓ సందేశాన్ని అందించిన్నట్టు పేర్కొంది. ఇందులో అజార్ కశ్మీరీలను రెచ్చగొట్టేలా చేసిన వ్యాఖ్యలున్నాయి.
"కశ్మీర్ ప్రజలను అల్లా దీవించాలి. పోరాడేందుకు వారికి శక్తినివ్వాలి. వారికి స్వతంత్రం లభించాలి. తన దాడులతో ముజాహిదీన్ గమ్యానికి చేరువలో ఉంది. జమ్ముకశ్మీర్కు ప్రత్యేక ప్రతిపత్తిని రద్దు చేసి మోదీ ప్రభుత్వం తన ఓటమిని అంగీకరించింది. 'జిహాద్ కశ్మీర్'లో ఒక అధ్యయనం ముగిసింది. ఇప్పుడు రెండో అధ్యయనం మొదలవనుంది. జమ్ముకశ్మీర్కు ప్రత్యేక ప్రతిపత్తిని రద్దు చేశానని మోదీ అనుకుంటున్నారు. దీనితో కొందరు ధనికులు మొత్తం కశ్మీర్నే కొనేస్తారు. పర్యటకంతో, నిషేధిత చట్టాలతో మరింత సొమ్ము పోగుచేసుకుంటారు. కశ్మీర్ ముస్లింలు తమ ఉనికిని పోగొట్టుకుంటారు. మోదీ! ఇది కల మాత్రమే. ఇది ఎప్పటికీ జరగదు."
-మసూద్ అజార్దిగా చెప్తున్న టేప్ సారాంశం
మసూద్ అజార్ను ఐరాస అంతర్జాతీయ ఉగ్రవాదిగా గుర్తించినప్పటి నుంచి అతడు మౌనంగా ఉన్నాడు. మసూద్ను రహస్య ప్రదేశంలో దాచి.. అతడిని మసీదుల్లో ప్రసంగించకుండా, ఆడియోటేప్లు విడుదల చేయనివ్వకుండా పాక్ అడ్డుకుంటోందని సమాచారం.
అయితే కశ్మీర్కు సంబంధించిన అజార్ టేప్ విశ్వసనీయతను అరోరా ఇంటెల్ సంస్థ గుర్తించలేకపోయింది. కానీ అందులోని సందేశం తీవ్ర ఉద్రిక్తతలకు దారి తీసే అవకాశముందని పేర్కొంది.
ఆర్టికల్ 370రద్దు నేపథ్యంలో భారత్లో దాడులు చేయడానికి జైషేకు.. ఐఎస్ఐ అనుమతినిచ్చినట్లు అరోరా ఇంటెల్ ఈ కథనంలో పేర్కొంది. ఇటీవలే మసూద్ అజార్ సోదరుడు ఇబ్రహీమ్ అజార్ను పాక్ ఆక్రమిత కశ్మీర్లో గుర్తించాయి నిఘా వర్గాలు.
ఇదీ చూడండి:- మరోసారి హరియాణా సీఎం వివాదాస్పద వ్యాఖ్యలు
