ఉత్తర్ప్రదేశ్కు చెందిన ఆర్మీ మేజర్ అనూప్ మిశ్రా.. ఏకే-47 బుల్లెట్లను తట్టుకోగల బుల్లెట్ ఫ్రూఫ్ హెల్మెట్ను కనుగొన్నారు. 10 మీటర్ల నుంచి బుల్లెట్ ప్రయోగించినా ఇది ధరిస్తే ఎలాంటి ప్రమాదం ఉండదు. అంతేకాదు స్నైపర్ రైఫిల్ దాడులను ఎదుర్కొనే ఫుల్ బాడీ బుల్లెట్ ప్రూఫ్ జాకెట్ను కూడా రూపొందించారు మిశ్రా. బుల్లెట్ ప్రూఫ్ హెల్మెట్కు 'అభేద్య'గా నామకరణం చేశారు.
గన్షాట్ లొకేటర్
ఓ ప్రైవేటు కంపెనీతో కలిసి పూర్తి స్వదేశీ పరిజ్ఞానంతో గన్షాట్ లొకేటర్ పరికరాన్ని సైన్యం సంయుక్తంగా రూపొందించినట్లు చెప్పారు మిశ్రా. దీనిని లఖ్నవూలో జరుగుతున్న డిఫెన్స్ ఎక్స్పో-2020 కార్యక్రమంలో ప్రదర్శనకు ఉంచినట్లు తెలిపారు. పార్థ్గా నామకరణం చేసిన ఈ పరికరం.. 400 మీటర్ల దూరంలోని శత్రువుల శరీరాలకు తూటాలను ఎక్కుపెట్టే కచ్చితమైన ప్రదేశాన్ని గుర్తించి వేగంగా అంతమొందించగలదని పేర్కొన్నారు. ఈ పరికరం ఖరీదు రూ.3లక్షలు ఉంటుందన్నారు. దీనిని సైన్యంలో వినియోగించి ఇతర దేశాల నుంచి దిగుమతి చేసుకున్న ఖరీదైన పరికరాలతో భర్తీ చేయవచ్చని మిశ్రా చెప్పారు. ప్రస్తుతం సైన్యం వినియోగిస్తున్న ఇలాంటి తరహా పరికరం ఖరీదు రూ. 65లక్షలుగా ఉందన్నారు.
ఇదీ చూడండి: బాణాలు వేయడంలో 'దేవసేన'ను మించిన నైపుణ్యం వీరిది!
