దేశ ఆర్థిక రాజధాని ముంబయిలో జరిగిన మారణహోమం ఎప్పటికీ మరిచిపోలేనిది. అయితే.. ఈ దాడుల్లో పాల్గొన్న ఉగ్రవాది అజ్మల్ కసబ్ను ప్రాణాలతో పట్టుకున్న 14 మంది పోలీసులను గౌరవించేందుకు నిర్ణయం తీసుకుంది మహారాష్ట్ర ప్రభుత్వం. వారికి వన్ ర్యాంక్ ప్రమోషన్ ప్రకటించింది.
ఈ మేరకు శాసనసభ ప్రాంగణంలో విలేకరుల సమావేశంలో రాష్ట్ర హోంమంత్రి అనిల్ దేశ్ముఖ్ వెల్లడించారు.
" 26/11 దాడుల్లో ప్రాణాలు కోల్పోయిన తుకారాం ఓంబ్లే సహా మరో 14 మంది ఉగ్రవాది అజ్మల్ కసబ్ను ప్రాణాలతో పట్టుకున్నారు. అత్యంత ధైర్య సాహసాలను ప్రదర్శించిన వీరందరికీ వన్ ర్యాంక్ ప్రమోషన్ ఇవ్వాలని ప్రభుత్వం నిర్ణయించింది."
- అనిల్ దేశ్ముఖ్, మహారాష్ట్ర హోంమంత్రి.
2008, నవంబర్ 26న 10 మంది పాకిస్థానీ ఉగ్రవాదులు సముద్ర మార్గం గుండా ముంబయిలోకి ప్రవేశించి సుమారు 166 మంది పౌరులు, 18 మంది భద్రతా సిబ్బందిని పొట్టనపెట్టుకున్నారు. కోట్లు విలువైన ఆస్తులను ధ్వంసం చేశారు. ఉగ్రవాదుల్లో ఒకడైన కసబ్ను పోలీసులు సజీవంగా పట్టుకున్నారు. 2012, నవంబర్ 21న కసబ్ను ఉరి తీశారు.
ఇదీ చూడండి: జమ్ముకశ్మీర్లో ఉగ్రదాడి-ఎస్పీఓ సహా ఇద్దరు మృతి
