మధ్యప్రదేశ్ శివపురి జిల్లాలోని బైరాడ్కు చెందిన ఓ రైతు భారీ మోసాంబీలను పండించాడు. ఒక్కో దాని బరువు.. 2 కిలోల 100 గ్రాములట.
ఇజ్రాయెల్లో ఉండే తన సోదరుడు వచ్చేటప్పుడు.. 2 మొక్కలను తీసుకొచ్చాడని తెలిపాడు రైతు రామ్ధయాల్ రావత్. రోజూ తగినంత నీళ్లు పోస్తూ, పురుగుల మందు చల్లుతూ ఎంతో జాగ్రత్తగా చూసుకోగా.. ఇలా భారీ పండ్లను ఇచ్చాయని సంతోషం వ్యక్తం చేస్తున్నాడు.
''నేను చెప్పేది నమ్మనివారు.. నా పొలానికి వచ్చి చూసుకోవచ్చు. అక్కడ మోసాంబీ చెట్లను మీరు చూడొచ్చు. నాకు వ్యవసాయం చేయడం.. కొత్త మొక్కలతో ప్రయోగాలు చేయడమంటే ఇష్టం.''
- రామ్ ధయాల్ రావత్, రైతు
అంతకుముందు కూడా రైతు రావత్.. 500 గ్రా. బరువున్న నిమ్మకాయలను.. ఒక్కోటి 40 కిలోలు తూగే పనసపండ్లను పండించడం విశేషం.
