లోక్​సభ సమావేశాలు బహిష్కరించిన విపక్షాలు

లోక్​సభ సమావేశాలను బహిష్కరించిన విపక్షాలు

కాంగ్రెస్​ నేతృత్వంలోని విపక్షాలు లోక్​సభ సమావేశాలను బహిష్కరించాయి. రాజ్యసభలో సస్పెండైన 8 మంది ఎంపీలకు మద్దతుగా ఈ నిర్ణయం తీసుకున్నట్లు ప్రకటించారు లోక్​సభలో కాంగ్రెస్​ పక్ష నేత అధీర్​ రంజన్​ చౌధరి. బాయ్​కాట్​ ఎంతకాలం కొనసాగుతుందో స్పష్టం చేయలేదు. ఈ నేపథ్యంలో రాజ్యసభ కార్యకలాపాల గురించి లోక్​సభలో ప్రస్తావించవద్దని హెచ్చరించారు సభాపతి ఓం బిర్లా. సభ్యులు చేసిన అన్ని సూచనలను రికార్డుల నుంచి తొలగించనున్నట్లు స్పష్టం చేశారు.  

వాకౌట్​ చేసిన పార్టీల్లో కాంగ్రెస్​, తృణమూల్​ కాంగ్రెస్​, బహుజన్​ సమాజ్​ పార్టీ, తెరాస ఉన్నాయి. అంతకుముందు వ్యవసాయ బిల్లులను ఉపసంహరించుకోవాలంటూ విపక్షాలు చేసిన నిరనసలతో లోక్‌సభ పలుమార్లు వాయిదా పడింది.