మహారాష్ట్రలో కరోనా కేసుల సంఖ్య 12 లక్షల 63 వేల 799కి చేరింది. బుధవారం మరో 21 వేల 29 మంది వైరస్ బారినపడ్డారు. ఒక్కరోజే 479 మంది ప్రాణాలు కోల్పోయారు. రాష్ట్రంలో మొత్తం మృతుల సంఖ్య 34 వేలకు చేరువైంది. మరో 19 వేలమందికిపైగా డిశ్చార్జి అయ్యారు. మొత్తం రికవరీల సంఖ్య 10 లక్షలకు చేరువైంది. కొత్త కేసుల్లో ముంబయి నుంచి అత్యధికంగా 2,360 మంది ఉన్నారు.
రికార్డు స్థాయి కేసులు..
కేరళలో రికార్డు స్థాయిలో కేసులు నమోదయ్యాయి. ఒక్కరోజే 5,376 మంది మహమ్మారి బారినపడ్డారు. మరో 20 మరణాలతో.. మొత్తం మృతుల సంఖ్య 592కి చేరింది. మొత్తం కేసులు లక్షా 50 వేలకు చేరువలో ఉన్నాయి.
కర్ణాటకలో కేసులు క్రమంగా తగ్గుతున్నాయి. బుధవారం.. 6,997 కరోనా కేసులు బయటపడ్డాయి. మరో 38 మంది మరణించారు.
బిహార్లో 1598 కొత్త కేసులు.. ఒక మరణం నమోదైంది. రాష్ట్రంలో మొత్తం కేసులు 1.73 లక్షలకు చేరుకున్నాయి. ఇప్పటివరకు 874 మంది చనిపోయారు.
