కరోనా కట్టడిలో భాగంగా కేరళలోని కొచ్చిలో మేకర్ విలేజ్కు చెందిన ఓ అంకుర సంస్థ(స్టార్టప్ కంపెనీ) కృత్రిమ మేథ కలిగిన డ్రోన్లను అందుబాటులోకి తీసుకురానుంది. ఇవి ప్రజల శరీర ఉష్ణోగ్రతలు పరిశీలించనున్నాయి. అంతేకాకుండా నిత్యవరస వస్తువులను సరఫరా చేయడం, క్రిముల నిర్మూలనకు రసాయనాలు చల్లడం వంటి వాటికి ఉపయోగపడనున్నాయి.
ఇప్పటికే ఈ తరహా డ్రోన్ను మేకర్ విలేజ్కు చెందిన ఏరియల్ డైనమిక్స్ సంస్థ రూపొందించింది. అయితే దానికి ఎటువంటి పేరు పెట్టలేదు. దేశంలోనే అతిపెద్ద ఎల్ట్రానిక్ హార్డ్వేర్ ఇంక్యుబేటర్, ఈఎస్డీఎం సదుపాయం కలిగిన సంస్థ విలేజ్ మేకర్. ప్రపంచస్థాయి ల్యాబ్లు, పరికరాలతో పాటు ఇతర సాఫ్ట్వేర్ సాంకేతికత సదుపాయాలను ఈ సంస్థ కల్పిస్తుంది.
ఇతర దేశాల నుంచి దిగుమతి చేసుకున్న వాటితో పోలిస్తే.. స్వదేశంలో తయారు చేసిన ఈ డ్రోన్ ఎంతో సమర్థవంతంగా పని చేస్తుందని అధికారులు తెలిపారు. అంతేకాకుండా లాక్డౌన్ విధించిన ప్రాంతాలను, రోడ్లపై ట్రాఫిక్ పర్యవేక్షించేందుకు ఈ డ్రోన్ ఉపయోగపడుతుందని పేర్కొన్నారు. లాక్డౌన్ను మరింత కఠినతరం చేసే క్రమంలో కేరళ పోలీసులు ఇప్పటికే డ్రోన్లు వినియోగిస్తున్నారు.
ఇంకా మరెన్నో సదుపాయాలు...
- వైరస్ పరీక్ష నమూనాలనూ తీసుకురాగలదు.
- సుమారు 60 కిలోల బరువున్న నిత్యవసర సరుకులను సరఫరా చేయగలదు.
- అధునాతన టెక్నాలజీతో కూడిన స్ప్రేతో రసాయనాలను చల్లగలదు.
- ప్రజలకు సమాచారం తెలియజేసేందుకు లౌడ్స్పీకర్ సదుపాయం.
- హై రెజల్యూషన్ కెమెరాతో చుట్టు పక్కల ప్రాంతాల పరిశీలించడం.
- ఐఆర్ సెన్సార్ సాయంతో థర్మల్ డేటాను సేకరించగలదు.
