ఆ రాష్ట్ర పర్యటక శాఖ మంత్రికి కరోనా ​

దేశంలో కరోనా కేసుల సంఖ్య విపరీతంగా పెరుగుతోంది. తాజాగా కర్ణాటక పర్యటక శాఖ మంత్రి సీటీ రవికి కొవిడ్​ సోకినట్లు తేలింది. ఈ విషయాన్ని ఆయనే స్వయంగా ట్విట్టర్​లో వెల్లడించారు.

కర్ణాటక పర్యటక శాఖ మంత్రి సీటీ రవికి కరోనా పాజిటివ్​గా నిర్ధరణ అయింది. ఆదివారం కొవిడ్​-19 సోకినట్లు స్వయంగా ట్విట్టర్​లో పేర్కొన్నారు రవి. అయితే ఆయన భార్య సహా.. సన్నిహితులకు మాత్రం పరీక్షల్లో నెగటివ్​గా తేలింది.

పర్యటక శాఖ సీటీ రవి ట్వీట్​

'ఆదివారం వచ్చిన కరోనా ఫలితాల్లో నాకు వైరస్​ సోకినట్లు తేలగా.. అదృష్టవశాత్తూ నా భార్య, తోటి సిబ్బందికి కొవిడ్​ లేదని నిర్ధరణ అయింది. అయినప్పటికీ నేను బాగానే ఉన్నాను.'

- సీటీ రవి, పర్యటక శాఖమంత్రి-కర్ణాటక

అయితే తక్షణమే స్వీయ నిర్బంధంలోకి వెళ్తున్నానన్న మంత్రి.. అక్కడి నుంచే విధులు నిర్వహిస్తానని చెప్పారు. త్వరలోనే కోలుకొని వచ్చి అందరితో కలిసి పనిచేస్తానని ఆశాభావం వ్యక్తం చేశారు.

ఇదీ చదవండి: విమాన ప్రయాణాల్లో కరోనాపై కొత్త నిబంధన