ఎలాంటి సమయంలోనైనా తన ఇంట్లోకి ప్రవేశించగల కాంగ్రెస్ నేతల్లో జ్యోతిరాదిత్య సింధియా ఒకరని చెప్పుకొచ్చారు ఆ పార్టీ అగ్ర నేత రాహుల్ గాంధీ. పార్టీ నుంచి సింధియాను సస్పెండ్ చేసిన విషయంలో అధిష్ఠానం తనతో ఎలాంటి సంప్రదింపులు జరపలేదని స్పష్టం చేశారు.
" కాలేజ్లో కలిసి చదువుకున్నందున.. ఎప్పుడైనా మా ఇంట్లోకి రాగల పార్టీ నేతల్లో సింధియా కూడా ఒకరు."- రాహుల్ గాంధీ, కాంగ్రెస్ నేత
సింధియా, కమల్నాథ్లు కలిసి తాను దిగిన ఓ ఫోటోను రీట్వీట్ చేశారు రాహుల్ గాంధీ. దీనితో పాటు లియో టాల్స్టాయ్ చెప్పిన ఓ సూక్తి 'సహనం, సమయం అనే ఇద్దరు అత్యంత శక్తిమంతమైన యోధులు' అని శీర్షికగా పెట్టారు.
మోదీ కుట్ర
మధ్యప్రదేశ్లో ప్రజాస్వామ్య బద్ధంగా ఎన్నికైన కాంగ్రెస్ ప్రభుత్వాన్ని 'అస్థిరపరచాలని' ప్రధానమంత్రి నరేంద్ర మోదీ చూస్తున్నట్లు రాహుల్ గాంధీ ఆరోపించారు.
సింధియా భాజపా తీర్థం
మధ్యప్రదేశ్ కాంగ్రెస్లో కీలక నేత అయిన జ్యోతిరాదిత్య సింధియా ఈ మంగళవారమే పార్టీ నుంచి వైదొలిగారు. జేపీ నడ్డా సమక్షంలో బుధవారం భాజపాలో చేరారు. అయితే ఆయన మద్దతుదారుల్లో 12 మంది ఎమ్మెల్యేలు భాజపాలో చేరేది లేదని స్పష్టం చేశారు. అయినప్పటికీ 15 నెలల కమల్నాథ్ ప్రభుత్వానికి గండం పొంచి ఉంది.
ఇదీ చూడండి: భాజపాలో చేరిన కాసేపటికే సింధియాకు టికెట్
