దేశంలో తొలి సీప్లేన్ సేవలు త్వరలోనే అందుబాటులోకి రానున్నాయి. గుజరాత్లోని నర్మదా జిల్లాలో, సబర్మతి నదీ తీరం నుంచి సర్దార్ పటేల్(ఐక్యతా) విగ్రహం వరకూ ఈ సేవలు అందించనున్నారు. 19-సీట్లున్న 'ట్విన్ ఒట్టర్-300' సీప్లేన్ మాల్దీవులు లోని మాలే నుంచి భారత్కు ఆదివారం చేరింది. గుజరాత్లోని అహ్మదాబాద్కు ఇద్దరు విదేశీ పైలట్లతో సోమవారం చేరుకుంది.
నీటి పైనుంచే ఎగిరి, నీటిపైనే దిగే ఈ విమానంలో 12 మంది ప్రయాణికులను అనుమతిస్తారు. సర్దార్ వల్లభ్భాయ్ పటేల్ జయంతి సందర్భంగా ఈనెల 31న సీప్లేన్ సేవలను ప్రారంభించేందుకు సన్నాహాలు చేస్తున్నట్లు కేంద్ర నౌకా రవాణాశాఖ సహాయ మంత్రి మన్సుఖ్ మండావియా సోమవారం చెప్పారు.
