దేశంలో ఎండలు ఠారెత్తిపోతున్నాయి. పలు రాష్ట్రాల్లో తీవ్ర స్థాయిలో ఉష్ణోగ్రతలు నమోదవుతున్నాయి. ఈ నేపథ్యంలో పంజాబ్, హరియాణా, దిల్లీలో రెడ్ అలర్ట్ ప్రకటించింది భారత వాతావరణ శాఖ(ఐఎండీ).
దిల్లీలో మే 26న గరిష్ఠంగా 46 డిగ్రీల ఉష్ణోగ్రత నమోదయ్యే అవకాశం ఉందని ఐఎండీ అంచనా వేసింది. తీవ్రమైన వడగాలులు వీస్తాయని పేర్కొంది.
ఎడారి ప్రాంతమైన రాజస్థాన్లోని పలు ప్రాంతాల్లో ఉష్ణోగ్రతలు 45 నుంచి 48 డిగ్రీల మధ్య రికార్డయ్యే అవకాశం ఉందని ఐఎండీ పేర్కొంది. బికనీర్లో 45 డిగ్రీల సెల్సియస్ గరిష్ఠ స్థాయికి ఉష్ణోగ్రతలు చేరుకుంటాయని అంచనా వేసింది. చురులో ఆదివారం 47 డిగ్రీల ఉష్ణోగ్రత నమోదవుతుందని పేర్కొంది.
మే 30 వరకు పుదుచ్చెరిలో 37 నుంచి 39 డిగ్రీల మధ్య ఉష్ణోగ్రతలు నమోదవుతాయని ఐఎండీ వెల్లడించింది.
